SURAT NI SI PAULUS TU PARLAGUTAN ROM 12:6 - BIBEL JAMITA NA DENGGAN

⁶ Laing songon i ma hita manjagit silehen-lehen na marasing-asing mangihutkon asi ni roha na dung dilehen tu hita. Halak na manjagit silehen-lehen anso manyurirangi, angkon karejohonon ma i mangihutkon haporsayaannia.

SURAT NI SI PAULUS TU PARLAGUTAN ROM 12:6 Referans Kwoze

1 KORINTUS 7:7

Anggo satutuna nian, gumonan do didok rohangku sugari songon au on sudena halak. Tapi bia ma baenon, paasing-asing be do silehen-lehen na nijagit sian Debata. Deba songon on do hasurungan na nijagitna, hape na asing nada songon i.

SURAT NI SI PAULUS TU PARLAGUTAN ROM 12:3

Markite-hite asi ni roha na nilehen di au, hupaingot ma hamu ganup marsada-sada ulang ma dipikiri hamu taringot tu hamu lobi sian na patut, tapi intap ni na patut ma parrohaonmunu, mangihutkon haporsayaan na diturpukkon ni Debata tu hamunu.

SURAT NI SI PAULUS TU PARLAGUTAN ROM 1:11

Harana sai malungun do au marsuo dohot hamu anso tarlehen au nian di hamu silehen-lehen partondion laho patoguhon hamu.

1 KORINTUS 13:2

Sugari malo au manyurirangi, jana huboto sude na buni dohot sude parbinotoan, jana adong di au haporsayaan jabat tarpaorot au angka dolok, tapi nada adong di au holong ni roha, songon na soada do au.

EPESUS 4:11

Ia do “na mambagi-bagihon angka silehen-lehen tu jolma,” tu na deba dilehen Ia silehen-lehenNia anso gabe rasul, tu na asing anso gabe panurirang; tu na deba nari muse anso gabe parjamita di Jamita Na Denggan i, jana tu na asing muse dilehen Ia silehen-lehenNia anso gabe panjago ni parlagutan dohot angka guru.

1 KORINTUS 14:1

Parayak hamu ma mambaen holong ni roha jana tambori hamu ma angka silehen-lehen ni Tondi, tarlobi anso manyurirangi hamu.

2 KORINTUS 8:12

Muda ringgas do rohamunu marsilehen-lehen, jagiton ni Debata do silehen-lehenmunu i marguru tu sinadonganmunu, nada marguru tu na soadamunu.

1 TESSALONIKA 5:20

Ulang nayang rohamunu di angka panyurirangon,

1 KORINTUS 14:29

Taringot tu angka panurirang, denggan do dua sanga tolu halak mangkobari, jana laing manangi-nangi ma anggo na asing i manimbang sanga aha na nidoknia i.

BAENON NI ANGKA RASUL 15:32

Honok do si Judas dohot si Silas panurirang i mangkobari dohot angka dongan na porsaya i di Antiokia laho pagomos roha dohot patoguhon roha ni halahi.

BAENON NI ANGKA RASUL 2:17

Tulus ma di angka ari na parpudi, ninna Debata, usehononKu ma tondingKu tu sude jolma. Jadi manyurirangi ma angka anak dohot borumunu, maruli parnidaan ma angka naposo bulungmunu, marnipi ma angka simatobangmunu.

PILIPPI 3:15

Hara ni i sudena hita na dung impas godang di ngolu partondion, angkon songon i ma nian. Tapi betak sai adong sian hamu na asing pandapotna, laing patangkason ni Debata muse ma i tu hamu.

EPESUS 3:5

Anggo najolo na so unjung do dipaboa-boa rahasia i tu jolma, tapi anggo saonnari madung dipatangkas Tondi i tu angka rasul bope tu angka panurirangNia na badia i.

BAENON NI ANGKA RASUL 13:1

Adong do angka panurirang dohot angka guru di parlagutan na di Antiokia. I ma angka si Barnabas, si Simeon na nigoaran muse si Niger (astuanna ‘Si Lomlom’), si Lukius halak Kirene, si Menahem, bayo na dipagodang-godang rap dohot Gubernur Herodes dohot si Saulus.

LUKAS 11:49

Hara ni i didok habisukon ni Debata i ma, ‘Husuru ma angka panurirang dohot angka rasul tu halahi, jana deba sian angka panurirang dohot sian angka rasul i bunuon jana parkancitan ni halahi ma.’

MATEUS 23:34

Antong hara ni i parrohahon hamu ma jolo, tongosonKu ma angka panurirang tu hamu dohot halak na marroha dohot angka Siboto Surat. Angkon bunuonmunu deba sian halahi. Deba nari parsilangkononmunu. Adong ma i balbalonmunu di bagas paribadatan, kojar-kojaronmunu sian kota na sada tu kota na asing.

1 KORINTUS 14:24

Tapi sugari sude hamu manyurirangi masuk muse ma sahalak na so Kristen sanga halak na asing, jadi sude angka na nipajojormunu i patandahon angka dosania ma i jana mambaen ia gabe mangoku angka dosania i.

BAENON NI ANGKA RASUL 21:9

Adong do opat halak borunia na dung manjagit gogo sian Debata laho manjamitahon barita na sian Debata.

1 KORINTUS 3:5

Jolma na bia ma he pola si Apollos? Jana tarbia muse si Paulus? Pangoloi ni Debata sajo do hami na dua, na dung manogu-nogu hamu anso porsaya tu Debata. Karejo na nipasahat ni Tuhan i tu hami be, i sajo do na hami dalankon.

1 KORINTUS 12:18

Taligi ma, Debata do na mangatur parpayak ni angka bagian-bagian i di pamatang i. Diingananna be do dibaen Debata sudena i marguru tu parsumanna mangihutkon parnidaan ni Debata.

2 PETRUS 1:20

Tapi na ummarga angkon ingotonmunu do on: Barita na sian Debata taringot tu angka na giot tarjadi sanoli on, nada adong hasurirangon marguru tu pandapotniba sandiri.

MATEUS 25:22

Dung i masuk muse ma naposo na manjagit sidua ribu hepeng perak i. ‘Tuan,’ ning ia, ‘dua ribu hepeng perak do na nipasahat ni tuan i tu au. Diligi tuan i ma saonnari. Maruntung do au dua ribu nari.’