Biblia Todo Logo
Bib sou entènèt

- Piblisite -




SURAT NI SI PAULUS TU PARLAGUTAN ROM 12:19 - BIBEL JAMITA NA DENGGAN

19 Hamu ale angka dongan na nihaholongan! Ulang ma hamu sandiri na mambaen pambaloson, tapi lehen ma inganan tu hamumuruk ni Debata. Angke tarsurat do, “Au do mambaen pambaloson,” ninna Tuhan.

Gade chapit la Kopi




SURAT NI SI PAULUS TU PARLAGUTAN ROM 12:19
24 Referans Kwoze  

Palaluon ni Tuhan ma hosomNa, anso didabu tu halahi uhumanNa; ro do hatihana madabu halahi; ma pola donok arina maropuk halahi.


Angke taboto do sanga ise na mandok songon on, “Au do nampuna pamaloson, Au do na giot mambaen pamaloson!” Jana na mandok muse, “Uhuman ni Tuhan ma bangsoNa.”


Ulang dokkon, “Giot baloskononku tusia sanga aha na nibaennia tu au!”


Ulang nibaloskon hajahatan. Nihaporsayaan ma Tuhan, anso Ia paturehon.


Muda jat dibaen halak tu hamu, ulang pola baloskon hamu i dohot na jat. Baen hamu ma aha na denggan tu sude halak.


Taringot tuson, ulang ma adong na mambaen sala tu donganna sanga na paoto-otohon. Na salpu i madung tangkas hami ondolkon di na hami paboa tu hamu, angkon uhuman ni Debata do angka halak na songon i pangalahona.


Ulang baloskon na jat sanga tu ise pe sanga magigi ho tusia, tapi haholongi ma donganmu songon pangkaholongimu di dirimu sandiri. Au do Tuhan.


Pasupasu hamu ma sanga ise na mamparkanciti hamu, pasupasu hamu ma jana ulang burai hamu.


Pasangap ma bangso ni Tuhan i, hamu ale angka bangso, sude na mamunu halahi uhumonNa do. PalaluonNa hosom tu musuna tapi ampunanNia do anggo dosa ni bangsoNa.”


Tapi saonnari Au mandok di hamu: Ulang ma alo hamu halak na mambaen na so denggan tu hamu. Tapi sabalikna do! Muda ditampeleng halak hurummu siamun, laing tarehon ma ditampeleng ia hurummu siambirang i.


Angke pangoloi ni Debata do pamarenta, na markarejo parohon na denggan tu hamu. Tapi muda dibaen hamu na jat, angkon gabe mabiar ma hamu tu pamarenta, harana nada sayang boti pamarenta i maroban podangna. Suruan ni Debata do i mandabu uhum tu halak na mambaen na jahat.


Tarimakasi ma di Debata hara ni pikiranmu na torang mangambati au patuluskon pamunuon dohot na mangasahon gogo.


Madung diantahi Debata palalu hosom tuan i dohot mamunu angka musu ni tuan i. Jana saonnari ale tuan, husumpahon ma mangasahon Tuhan na mangolu i, sai songon bagian ni angka musu ni tuan i ma dohot bagian ni sude na sai giot mangagohon ngolu ni tuan i ma bagian ni si Nabal.


Didok Tuhan Debata i ma, “Mambaen hasalaan godang do Edom hara ni kejamna pambaen ni halahi maradopkon Juda, di na palalu hosom halahi.


Mangasahon Debata na mangolu i, huboto do na giot bunuon ni Tuhan i sandiri sanoli on si Saul, betak sanoli on muda dung dapot hatihana, sanga muda mate di parporangan ia.


Sai diantahi Tuhan ma nian au mamunu raja na nipili ni Tuhan i! Tombakna i ma dohot gendina i buat, anso kehe hita!”


Hara ni i didokkon Tuhan ma tu halak Jerusalem, “ParjuangkononKu do parkaromu jana uhumanKu angka musumu hara ni pambaenan ni halahi tu hamu. PahiangonKu ma angka mual ni aek dohot angka batang aek ni Babel.


Ulang lehen hamu hatiha di Sibolis i.


Si Aleksander tukang tumbaga i, madung bahat dibaen ia na jahat tu au. Baloskonon ni Tuhan ma tusia hombar tu pangalahonia i.


Swiv nou:

Piblisite


Piblisite