SURAT NI SI PAULUS TU PARLAGUTAN ROM 12:1 - BIBEL JAMITA NA DENGGAN

¹ Hara ni i ale angka dongan, hupaingot ma hamu markite-hite ibo ni roha ni Debata, anso dipasahat hamu dirimunu gabe haul na mangolu, na badia jana na tumbuk di roha ni Debata, i ma na gabe hangoluanmunu na sapatutna.

SURAT NI SI PAULUS TU PARLAGUTAN ROM 12:1 Referans Kwoze

1 PETRUS 2:5

Songon angka batu na mangolu do hamu. Antong ra ma hamu dipake laho pajongjong bagas ni Debata di pangalaho partondion. Jadi gabe angka malim na badia ma hamu jana na mangalehen haul tu Debata markite-hite Jesus Kristus, i ma haul partondion jana na tumbuk di roha ni Debata.

SURAT NI SI PAULUS TU PARLAGUTAN ROM 6:13

Sada muse, ulang be pasahat hamu goar-goaran ni pamatangmunu tu kuaso ni dosa gabe parkokas laho mambaen angka na jahat. Tapi tu Debata ma pasahat hamu dirimunu songon halak na dung nipapinda sian hamatean tu hangoluan. Jana pasahat hamu ma sude goar-goaran ni pamatangmunu i tu Debata gabe parkokas laho mambaen angka na tigor.

SURAT NI SI PAULUS TU PARLAGUTAN ROM 6:19

Mangihutkon hasomalan ni jolma do mangkatai au dohot hamu, anso ummura astuanmunu. Songon na dipasahatmunu na jolo goar-goaran ni pamatangmunu tu na mangoloi hahodaran dohot hajahatan na maroban hamu tu hahodaron, laing songon i saonnari pasahat hamu ma goar-goaran ni pamatangmunu gabe hatoban ni hatigoran, jana anso gabe badia ma hamu.

SURAT NI SI PAULUS TU PARLAGUTAN ROM 12:2

Ulang pahombar hamu dirimunu tu hasiangan on, tapi pauba hamu ma dirimunu markite-hite haimbaruon ni rohamunu anso tartimbang hamu sanga dia do hagiot ni Debata: Na denggan, na tumbuk jana na sanggam.

EPESUS 4:1

Hara ni i ma – au sada halak na tarhurung, na nihurungkon hara ni na mangoloi Tuhan i – gomos hupangido tu hamu: Dalani hamu ma ngolumunu marguru tu parobananmunu songon halak na dung dipiohon Debata.

MASMUR 19:14

Sai jagit ma pikiran dohot hatangku, o Tuhan, panjago bope sipalua di au.

SURAT NI SI PAULUS TU PARLAGUTAN ROM 6:16

Diboto hamu dehe muda dipasahat hamu dirimunu tu sada-sada halak laho mangkarejohon hagiotnia, na gabe hatoban ni halak na nioloanmunu i do hamu – sanga hatoban ni dosa na maroban hamu tu hamatean sanga hatoban na mangoloi Debata na maroban hamu tu hatigoran?

2 KORINTUS 4:16

Hara ni i ma umbaen na so mandele hami. Haru pe mur sego hajolmaonnami parduru on, tapi anggo hajolmaon parbagasan i mur dipaimbaru do sian ari tu ari.

MASMUR 116:12

Songon dia ma he tarbaloskon au di Tuhan denggan ni basaNa, na binaenNia tu au?

1 TESSALONIKA 4:1

Dung i muse ale angka dongan, ihutkon hamu ma pangajaran na nijagitmunu sian hami sanga bia na patut ngolumunu laho pasonangkon roha ni Debata. Tutu nian saonnari pe madung songon i ngolumunu. Tapi saonnari mangasahon kuaso ni Tuhan Jesus gomos hami pangido jana hami sosoi hamu anso mur marsitutu hamu mangkaburjuhon i!

2 KORINTUS 5:20

Partonaan ni Kristus do hami. Mandok hata pe hami tu hamu, songon na Debata sandiri do na mangkobari tu hamu. Mangasahon goar ni Kristus gomos ma hami pangido tu hamu, sai ra ma hamu dipadenggan dohot Debata.

JESAYA 56:7

“BoanonKu ma hamu tu dolokKu na badia i, lehenonKu jop ni roha di hamu di bagas paribadatanKu. JagitonKu angka haul na nihaulkonmunu di langgatanKu. Goaran ma bagasKu bagas partangiangan ni sandok bangso.”

EPESUS 5:10

Usahohon hamu ma mananda sanga aha na pasonang roha ni Tuhan.

PILIPPI 2:17

Betak na angkon dohot dope haulkononku pamatangkon pasanggamkon haul na ni haulkonmunu i di bagasan haporsayaanmunu na gok tu Debata. Muda pe angkon songon i, mandok tarimakasi do au tu Debata hara ni i jana dohot ma au marjop ni roha rap dohot hamu.

1 KORINTUS 1:10

Hamu ale angka dongan! Mangasahon goar ni Tuhanta Jesus Kristus hupangido anso saroha hamu sudena di sude pangkataionmunu, anso ulang masa parbolat-bolatan di hamu. Angkon laing sada do hamu di pikiran dohot di angka haputusanmunu.

SURAT NI SI PAULUS TU PARLAGUTAN ROM 2:4

Sanga na marlayas ni roha do ho di godang ni denggan basaNia, lambok dohot burju ni rohaNia? Nada he diboto ho, denggan basa ni Debata do maroban ho tu haubaan ni roha?

1 PETRUS 2:20

Harana aha ma he hasurunganna muda sobar hamu manjagit uhuman na patut tanggungonmunu hara ni hasalaanmunu? Tapi muda sobar hamu manjagit sitaonon na ro tu hamu hara ni na nibaenmunu na denggan, anggo i, pasupasuon ni Debata ma hamu.

PILIPPI 4:18

Madung hujagit sasudena – dohonon marlobi-lobi dope! Sude silehen-lehen na nitongosmunu i tu au, madung hujagit sian si Epafroditus. Saonnari madung tuk di au sanga aha haporluanku. Songon uap na huskus na sian haul na nihaulkon tu Debata jana na nihalomohon ni roha ni Debata, songon i do angka silehen-lehenmunu i.

2 KORINTUS 6:1

Tapi songon dongan saparkarejoan do hami podai hamu, gomos ma hami pangido tu hamu, ulang ma parsayang hamu hadengganan ni roha ni Debata i.

SURAT NI SI PAULUS TU PARLAGUTAN ROM 15:30

Hara ni Tuhanta Jesus Kristus dohot hara ni holong ni roha na nilehen ni Tondi i, gomos ma hupangido tu hamu angka dongan, anso dohot ma nian hamu marsitutu martangiang rap dohot au tu Debata taringot tu au.

SURAT NI SI PAULUS TU PARLAGUTAN ROM 15:16

Madung dibaen Ia do au gabe pangoloi ni Kristus Jesus, suruanNia mandapotkon angka bangso na asing. Jana hubaen do au gabe songon malim, manjamitahon Jamita Na Denggan na sian Debata anso gabe haul na tumbuk tu roha ni Debata angka halak na asing i. Sai gabe haul hapunjungan ma di Debata halahi baenon ni Tondi Parbadia.

JEREMIA 6:20

Aha ma guna ni hamonyan na dioban ni halahi di Au sian Seba, sanga parmasak na sian luat na dao i? Nada ringkot rohangKu manjagit haul ni halahi i; nada giot Au angka haul na nitutung ni halahi.

PILIPPI 1:20

Hum on ma i na sai hupangidohon dohot na huaropkon: Ulang nian gabe so tulus sidung karejongku. Sai diarop rohangku do tongtong lumobi saonnari anso mur puluk au sian sudena roha bope pamatangku – sanga mangolu sanga na mate pe au – laing nipasangap ma Kristus.

1 TIMOTEUS 2:3

Denggan do tangiang na songon i, angke jop do roha ni Debata Sipalua hita, di na songon i.

1 TESSALONIKA 5:12

Pangidoannami tu hamu ale angka dongan, parsangapi hamu ma angka dongan na loja markarejo di tonga-tongamunu; i ma angka dongan na dung nitodo ni Tuhan i mamimpin dohot paingot hamu.

LUKAS 7:47

Hudok ma di ho: Holong ni rohania na songon i godang na nipatuduhonnia, i ma tandana bahaso na dung disesa dosania na bahat i! Muda nisesa dosa ni sada halak jana otik sajo do dosania, laing otik muse do holong ni roha tarpatuduhon ia.”

IBRANI 13:22

Hupaingot ma hamu ale dongan, jagit hamu ma hata sipaingot i, angke saotik do isi ni suratkon tu hamu.

1 TIMOTEUS 5:4

Tapi muda adong sahalak ina na mabalu, adong dakdanakna sanga pahompuna, tu angka dakdanakna i ma dohot angka pahompuna i parjolo lehenonmu hata na denggan, mandok, angkon halahi sandiri do paresohon halahi na sabagas, bope laho mambalos pambaenan ni simatobangna dohot ompungna, angke apala i ma na pajop roha ni Debata.

1 TESSALONIKA 4:10

Jana taringot tuson madung dipatuduhon hamu i maradopkon angka dongan Kristen na di Makedonia sudena. Tapi hamu ale angka dongan, gomos hami pangido tu hamu, anso laing mur tu dengganna dope i nian.

SURAT NI SI PAULUS TU PARLAGUTAN ROM 9:23

Por muse do roha ni Debata patuduhon tu hita hasangapanNia na marlobi-lobi na niusehonNia tu hita angka na nihaholonganNia. Madung dihobasi Ia hian hita laho manjagit hasangapanNia i,

HOSEA 14:2

Mulak ma hamu tu Tuhan Debatamunu, ale bangso Israel! Dosamunu do mambaen hamu tarsilandit lalu tinggang.

2 KORINTUS 4:1

Na niurupan ni Debata do hami mangkarejohon karejo on. Na nilehenNia do karejo on di hami. Hara ni i ma umbaen na so mandele hami.

2 KORINTUS 10:1

Saonnari, au si Paulus, hupaingot ma hamu markite-hite lambok ni roha dohot habasaron ni Kristus. Anggo ninna halak na parbiar do au di tonga-tongamunu taran marsuo bohi tu bohi, tapi puluk do au muda dao sian hamu. Antong, hara ni halambohon bope hadengganan ni roha ni Kristus,

PANGARATAION 14:2

Bangso na badia do hamu di Tuhan Debatamunu; sian sandok bangso na di ginjang tano on, hamu do na nipili ni Tuhan gabe bangso hapunjunganNia.”

PILEMON 1:9

Tapi hara ni holong ni roha, gumonan noma mangido au tu ho. Au, si Paulus na dung matobang, jana na dihurung saonnari hara ni Kristus Jesus,

PILEMON 1:10

pajojorkon pangidoan tu ho taringot tu anakku na hudapot hatiha di hurungan au, i ma si Onesimus.