SURAT NI SI PAULUS TU PARLAGUTAN ROM 11:8 - BIBEL JAMITA NA DENGGAN

⁸ Songon na tarsurat, “Lopus tu ari sadari on madung dilehen Debata di halahi tondi parpodom, mata na so marnida dohot pinggol na so marbinege.”

SURAT NI SI PAULUS TU PARLAGUTAN ROM 11:8 Referans Kwoze

PANGARATAION 29:4

Tapi lopus tu sadari on laing nada podo dilehen Ia pangastuion di hamu taringot tu sude na nialamanmunu i.

JESAYA 29:10

Dibaen Tuhan hamu mondohondok jana tarpodom sinok. Simalolongmu – i ma angka panurirang – madung dipapimpit Ia; jana bohimu – i ma angka partondung – madung dihungkupi Ia.

JEHESKIEL 12:2

“Ale anak ni jolma, di tonga-tonga ni bangso pangalo do ho maringanan. Marmata do halahi, tapi nada marnida; marpinggol do nian tapi nada marbinege, angke sai na mangalo do giot ni halahi.

LUKAS 8:10

Ninna Jesus ma mangalusi, “Madung dilehen anggo di hamu parbinotoan laho umboto sibunian ni Harajaan Ni Debata. Tapi anggo tu halak na asing mamake umpama do dipaboa taringot tusi, anso ulang diida halahi haru pe nian manaili halahi; haru pe marbinege halahi tapi nada mangarti.”

JEREMIA 5:21

“Hamu halak na bodo dohot na so marpikiran tangihon hamu! Adong do matamunu tapi nada marnida, marpinggol do nian tapi nada marbinege!

BAENON NI ANGKA RASUL 28:26

Didok Tondi i do songon on, ‘Kehe ma paboa tu bangso on: Torus do nian marbinege hamu, tapi umpe mangarti; torus do nian hamu mangaligi, tapi umpe marnida.

JESAYA 6:9

Dung i disuru Ia ma au maroban tona sisongon on tu bangsoNia: “Torus do hamu sai manangihon, tapi nada mangastui. Sai torus do nian hamu mamparrohahon, hape nada diboto hamu sanga aha na masa.

2 RAJA-RAJA 17:41

Jadi, disomba halahi do Tuhan, tapi laing disomba halahi muse do angka gana-ganaan ni halahi. Lalu tu sadari on pe laing songon i do dibaen pomparan ni halahi.

2 RAJA-RAJA 17:34

Lalu tu sadari on laing didalankon halahi do adat hasomalan ni halahi. Nada na marsomba tu Tuhan halahi, jana nada didalankon halahi angka uhum dohot angka parenta na nilehen ni Tuhan tu pomparan ni si Jakob, na nigoaranNia muse si Israel.

JEHESKIEL 20:26

Hupadiar noma halahi pahodar dirina marhite haul ni halahi sandiri, salang angka anak siangkaan ni halahi dipelehon halahi. Songon i ma Hubaen manguhumi halahi anso diboto halahi Au do Tuhan.