SURAT NI SI PAULUS TU PARLAGUTAN ROM 11:33 - BIBEL JAMITA NA DENGGAN

³³ Bagasna i antong hamoraon, habisuhon dohot parbinotoan ni Debata! Na so tardodo do angka haputusanNia, jana nada tarastui angka dalanNia.

SURAT NI SI PAULUS TU PARLAGUTAN ROM 11:33 Referans Kwoze

JOB 5:9

Na godang ma da pambaenan ni Debata; nada tuk gogoniba mangastuisa. Angka hahomangan dibaen Ia, na so tarbilang jana na so marujung.

MASMUR 92:5

Ale Tuhan, na godang ma antong angka pambaenanMu, bagasna i antong angka pikiranMu!

SURAT NI SI PAULUS TU PARLAGUTAN ROM 2:4

Sanga na marlayas ni roha do ho di godang ni denggan basaNia, lambok dohot burju ni rohaNia? Nada he diboto ho, denggan basa ni Debata do maroban ho tu haubaan ni roha?

JOB 37:23

Na godang ma da kuaso ni Debatanta, nada sanggup iba mandonohisa, markuaso jana tigor do Ia sapanjangna; na so jungada do dihapit hita jolma.

EPESUS 3:10

On do maksud ni Debata disi: anso saonnari, sude na maniop kuaso di awang-awang i mamboto hamaloon ni Debata di sude ragam rupa ni pangalaho markite-hite parlagutan i.

PARJAMITA 3:11

Ditontuhon Ia do hatiha na topet di sasude na adong. Dilehen Ia do di hita por ni roha laho umboto ari na giot ro, tapi nada unjung dilehen Ia hasosombu di hita laho mangastui sude pambaenanNia.

MASMUR 36:6

HadenggananMu marsijongjong songon gincat ni dolok, jana hatigoranMu songon bagas ni laut. Jolma dohot angka binatang, dipasari-sari Ho do, ale Tuhan.

EPESUS 1:7

Angke di bagasan Ia, dapotan haluaan do hita markite-hite mudarNia, i ma hasesaan ni dosa mangihutkon godang ni asi ni rohaNia,

KOLOSSE 1:27

Anggo tu bangsoNia i ra do Debata paboahon sanga na bia dengganna dohot godangna rahasiaNia i di sudena jolma manusia. On do rahasia i: Di bagasan dirimunu do Kristus, jadi gabe dohot ma hamu maruli di hagodangan ni Debata.

SURAT NI SI PAULUS TU PARLAGUTAN ROM 9:23

Por muse do roha ni Debata patuduhon tu hita hasangapanNia na marlobi-lobi na niusehonNia tu hita angka na nihaholonganNia. Madung dihobasi Ia hian hita laho manjagit hasangapanNia i,

MASMUR 97:2

Ombun dohot hagolapan manggupgupi Ia, hatigoran dohot uhum do ojahan ni pangarajaionNia.

MASMUR 77:19

Mardalan do Ho mamolusi galumbang, didalani Ho lautan, hape andegeMu nada haidaan.

JOB 26:14

Tapi tanda ni kuasoNia ma i sudena; hum sora na lingo-lingoon do na lalu tu parbinegeanta. Na otik ma da na haastuan hita satontang tu Debata maradu hagodanganNia!”

EPESUS 2:7

Dibaen Debata pe na songon i, anso diida jolma i do sanga na bia godangna hadengganon ni rohaNia di hatiha na giot ro, i ma na nipatidahonNia tu hita markite-hite Kristus Jesus.

DANIEL 4:35

Nada adong astuan ni bangso na di portibi on. Dirajai Debata do surusuruan na di banua ginjang dohot jolma na di tano on. Sahalak pe nada adong tarbaen mangalo hagiotNia, nada adong na puluk manyapai sanga aha na nibaenNia.

MASMUR 40:5

Tuhan, na bahat ma antong di hami pambaenanMu, ale Tuhan Debatanami, nada adong tudosanMu! Bahat do karejoMu na gabe hahomangan di hami, nada tarpajojor sudena i.

JOB 9:10

Nada haastuan iba sude pambaenanNa nada tarrajum angka hahomanganNia.

EPESUS 3:16

Hutangiangkon do anso lomo nian roha ni Debata na sun marmulia i laho patoguhon rohamunu dohot TondiNia i.

EPESUS 3:8

Sian sudena na margoar halak na porsaya, au ma i tardok na umbile. Hape laing dipasahat Debata do tu au hasurungan on: I ma, anso hujamitahon Jamita Na Denggan on tu angka halak na so Jahudi paboa na adong do bahat sajo sinadongan na so ra abis di Kristus;

PODA 25:3

Songon laut na bagas dohot langit na gincat, pikiran ni raja nada hadodoan.

EPESUS 3:18

Hutangiangkon do anso rap dohot halak na porsaya, tarsuhat hamu nian sanga na sadia bidangna dohot ginjangna dohot gincatna bope bagasna holong ni roha ni Kristus i,

JOB 37:19

Ajari ma hami salaho tu sidohononnami maradopkon Debata; nada adong na tarpajojor hami, rumar do pikirannami.

JOB 33:13

Biasi tuhasonmu Debata na so diterge Ia holos ni jolma?

JOB 15:8

Dibege ho ma he Debata na mambaen sangkapNia? Hum ho sajo ma lakna na maniop bisuk ni jolma?

MASMUR 139:6

Na lobi bagas ma antong parbinotoan i di au, nada tartaja pikiranku.

MASMUR 145:3

Angke na tongam do Ho, ale Tuhan jana tarpuji situtu, nada hadodoan hagodanganMu.

PODA 25:2

Marmulia do Debata hara ni angka na nirahasiahonNa; raja dipasangap hara ni angka na tarpatorangsa.

PARJAMITA 7:24

Ise ma na dapotan arti ni ngolu on? Mabagastu do i laho artihonon!

PARJAMITA 8:17

nada malo hita mangastui karejo ni Debata. Sanga na bia pe tabaen, nada mungkin hita mangastuisa. Dioku halak na pistar do na ummalo ia, tapi anggo na satutuna nada diboto ia.

JESAYA 28:29

Sian Tuhan Na Markuaso i do haroro ni habisuhon i. Sai na matua bisuk do sude sangkap ni Tuhan jana sai manjadi.

JESAYA 40:28

Na so diboto ho dope? Na so dibege ho do? Tuhan na manongtong do anggo Debata. Ditompa Ia tano on sudena, nada unjung Ia loja sanga ngolngolan. Sahalak pe nada tarbaen mangastui angka pikiranNia.

1 KORINTUS 2:10

Hape madung dipaboa Debata tu hita sangkapNia i markite-hite TondiNia. Didodo Tondi i do sasude, lopus tu angka na buni na dibagasan Debata.

ESTER 2:22

Tarboto si Mordehai ma sangkap i jana manigor dipaboa ia ma i tu si Ester. Nada be marlambat-lambat, dicaritohon si Ester ma tu raja i sanga aha na niboto ni si Mordehai i.

JOB 10:13

Hape saonnari ma anso huboto di na sahonokna i, sip-sip madung ditahi rohaMu hamagoanki.

JOB 23:14

PadalanonNia do sangkapNia salaho tu iba, jana bahat dope tahi ni rohaNia asing ni na tu au.