SURAT NI SI PAULUS TU PARLAGUTAN ROM 11:23 - BIBEL JAMITA NA DENGGAN

²³ Jana taringot tu halak Jahudi pe, sugari mantak halahi na so ra porsaya i, dilohotkon do halahi muse, angke tuk do gogo ni Debata mangalohotkon halahi mangulahi.

SURAT NI SI PAULUS TU PARLAGUTAN ROM 11:23 Referans Kwoze

2 KORINTUS 3:16

Tapi muda ro mangulahi sanga ise mandapotkon Tuhan, nibuat do panggupgupi i sian bohi ni halakna i.

ZAKARIA 12:10

Dung i lehenonKu ma tondi na sai marhagiot mangampuni dohot na marhagiot martangiang tu pomparan ni si Daud dohot tu halak na maringanan di Jerusalem. Tatapon ni halahi ma na nitiham ni halahi jana andungan ni halahi ma i songon pangandungi ni anak sasada. Lungun noma pangandung ni halahi, songon dia na agoan anak siangkaan.

MATEUS 23:39

Au mandok tu ho: Mamungka sian on nada idaonmu be Au lopus didok hamu, ‘Sai dilehen Debata ma pasupasu di na ro mangasahon goar ni Tuhan.’ ”

SURAT NI SI PAULUS TU PARLAGUTAN ROM 11:17

Diponggolkon deba sian dangka ni hayu i, jana nilohotkon ma ho na dibuat sian hayu harangan i tu inganan ni halahi gontina, anso martohap ho di urat dohot di miak ni hayu zetun i.

SURAT NI SI PAULUS TU PARLAGUTAN ROM 11:24

Hamu na so halak Jahudi sarupa do hamu tu dangka ni zetun harangan i. Antong, salang hamu tarlohotkon do tu batang ni zetun na polin i na so sarupa hian dohot batangmunu sandiri, mur ma halak Jahudi na nipartudoskon tu angka dangka ni zetun na polin i, tontu ummura dope baenon ni Debata laho mangalohotkon halahi mangulahi tu bona ni zetun ni halahi sandiri.

IBRANI 3:19

Saonnari madung taboto, na so dilehen di halahi inganan paradianan i, hara ni na so porsaya halahi tu Debata!