SURAT NI SI PAULUS TU PARLAGUTAN ROM 1:9 - BIBEL JAMITA NA DENGGAN

⁹ Dibaen saksingku do Debata, na huoloi di bagasan tondingku markite-hite Jamita Na Denggan taringot tu AnakNia, jana tongtong do huingot hamu di bagasan tangiangku.

SURAT NI SI PAULUS TU PARLAGUTAN ROM 1:9 Referans Kwoze

EPESUS 6:18

Mardongan tangiang mangido tolong tu Debata ma patulus hamu sudena i. Ulang hamu lupa martangiang ganop adong hatihana sanga hombar tu panogu-noguon ni Tondi Parbadia di hamu. Tongtong ma jonggor hamu. Tongtong ma martangiang hamu, manangiangkon sudena halak na porsaya.

2 TIMOTEUS 1:3

Tarimakasi ma hudok di Debata na huoloi sian taroktok na ias songon na nibaen ni angka daompung najolo. Jana sai mandok tarimakasi do au tu Debata ganop huingot ho di na martangiang au arian sanga borngin pe.

SURAT NI SI PAULUS TU PARLAGUTAN ROM 9:1

Tutu do na hudok di bagasan Kristus, nada margabus au, disaksihon taroktokki do songon i markite-hite Tondi Parbadia.

1 TESSALONIKA 5:17

jana tongtong martangiang.

2 KORINTUS 1:23

Tapi hupio do Debata gabe saksingku disi – harana diboto Ia do isi ni rohangku dibaen na so tulus pe au kehe tu Korintus, hara ni na so ra do au paarsak rohamunu.

1 TESSALONIKA 3:10

Arian na borngin hami pangidohon do sian sude rohanami, anso tarbaen hami nian marsuo bohi dohot hamu laho manggohi sanga aha na hurang di haporsayaanmunu.

1 TESSALONIKA 1:2

Sai tongtong do hami mandok tarimakasi tu Debata hara ni hamu sudena, jana sai hami ingot do hamu di bagasan angka tangiangnami.

PILIPPI 3:3

Hape hita do angka na dung manjagit sunat na tutu, nada halahi. Hombar tu panogu-noguon ni Tondi Ni Debata sandiri do tasomba Debata, jana mandok tarimakasi do hita hara ni na dung mardomu i hita dohot Jesus Kristus. Nada marguru tu angka upacara na tarida hita.

PILIPPI 1:4

Jana ganop hutangiangkon hamu sudena, sai di bagasan jop ni roha do au na martangiang i.

BAENON NI ANGKA RASUL 27:23

Harana napotangin madung disuru Debata na husomba i surusuruanNia tu au, Debata i do nampuna au.

BAENON NI ANGKA RASUL 19:21

Dung tarjadi sudena i, diputuskon si Paulus ma di bagasan rohania anso kehe ia tu Jerusalem, mamolus sian Makedonia dohot Akaya. Didok ia ma, “Dung sian i angkon torus dope au tu Rom.”

1 TIMOTEUS 2:7

Jana hara ni i ma umbaen na nisuruNia au mandapotkon angka halak na so Jahudi laho manjamitahon tu halahi barita taringot tu haporsayaan ni halak Kristen na tutu. Tutu do na hudokkon on, nada margabus au disi.

PILIPPI 2:22

Hamu sandiri pe madung diida hamu buktina na marguna si Timoteus. Marsitutu do ia na karejo i rap dohot au laho pararatkon Jamita Na Denggan i na sian Debata. Songon ama tu anakna do hami na dua.

GALATIA 1:20

Tutu do na husuratkon on. Nada margabus au. Di jolo ni Tuhan ma au na mandokkon on!

2 KORINTUS 11:31

Debata, i ma Ama ni Tuhanta Jesus Kristus, na tarpuji ro di salolot ni lolotna do na umboto na so margabus au.

BAENON NI ANGKA RASUL 24:14

Tapi angkon okuonku do tu tuan i, paboa na husomba do Debata ni angka ompungnami hombar tu Dalan Ni Tuhan, i ma na sala dietong roha ni halahi. Hape nian laing huhaporsayai do sudena na tarsurat di Buku Ni si Musa dohot di Buku Ni angka Panurirang.

BAENON NI ANGKA RASUL 12:5

Jadi ditahan ma si Petrus di hurungan i; tapi anggo angka anggota ni parlagutan i, sai torus do halahi marsitutu manangiangkon si Petrus tu Tuhan.

BAENON NI ANGKA RASUL 3:26

I do umbaen na nipili ni Debata NaposoNia, jana hamu do na parjolo didapotkon Ia anso dipasupasu Ia hamu, dohot paubahon rohamunu sudena sian ngolumunu na jahat i.”

LUKAS 18:1

Dung i dipaboa Jesus muse ma sada umpama laho mangajar angka siseanNia anso tongtong martangiang halahi jana ulang mandele.

MARKUS 1:1

Songon on do Jamita Na Denggan taringot tu Jesus Kristus, Anak Ni Debata.

JOB 16:19

Huboto do anggo pangidoanku di banua ginjang do; saksihononNia ma, anggo au na so mardosa do.

1 SAMUEL 12:23

Anggo salaho tu au, sai ulang nian mardosa au maradopkon Tuhan hara ni na maradian au manangianghon hamu. Tapi sai na pupuonku do torus mangajarkon tu hamu angka pangalaho na denggan dohot na tigor na giot si karejohononmunu.

PILEMON 1:4

Ganop martangiang au sai hudok do goarmu jana hupasahat tarimakasi tu Debata.

PILIPPI 1:3

Ganop taringot rohangku tu hamu, tongtong do mandok tarimakasi au tu Debata.