SURAT NI SI PAULUS TU PARLAGUTAN ROM 1:5 - BIBEL JAMITA NA DENGGAN

⁵ Markite-hite Ia do hami jagit asi ni roha dohot karejo ni rasul laho manogu-nogu angka bangso anso porsaya halahi jana mangoloi goarNia.

SURAT NI SI PAULUS TU PARLAGUTAN ROM 1:5 Referans Kwoze

BAENON NI ANGKA RASUL 9:15

Tapi didok Tuhan i ma tu si Ananias, “Kehe ma ho! Harana na dung Hupili do ia mangoloi Au, anso dijamitahon ia taringot tu goarKu tu sude angka bangso na asing dohot tu angka raja, songon i dohot tu halak Israel muse.

SURAT NI SI PAULUS TU PARLAGUTAN ROM 16:26

Madung dipatidahon do saonnari hasimoon i markite-hite surat ni angka panurirang i, mangihutkon parenta ni Debata na salolot ni lolotna, jana dipabotohon i di sude bangso, anso porsaya halahi sude jana mangoloi tu Debata.

BAENON NI ANGKA RASUL 6:7

Jadi mur rarat ma hata ni Debata, martamba ma bilangan ni angka sisean di Jerusalem, angka malim pe bahat do na gabe porsaya.

MALEAKI 1:11

Dipasangap angka bangso na di tano on do Au sudena. Sanga na di dia ditutung halahi do dupa laho pasangapkon Au jana dihaulkon halahi do angka haul na patut tu Au. Olo! sude do halahi pasangapkon Au!”

1 KORINTUS 15:10

Tapi hara ni asi ni roha ni Debata, madung gabe songon au na adong saonnari on, au. Jana nada parcuma na niampunan ni Debata au. Hape gabe lumoja dope au markarejo sian sude rasul na asing i. Tapi i pe sudena, nada hara ni usahongku i; usaho ni Debata na mangakaholongi au do i jana na markarejo rap dohot au.

IBRANI 5:9

Jadi dung sanggam Ia, gabe Ia ma haroroan ni haluaan na manongtong di sude halak na burju mangoloi Ia.

SURAT NI SI PAULUS TU PARLAGUTAN ROM 12:3

Markite-hite asi ni roha na nilehen di au, hupaingot ma hamu ganup marsada-sada ulang ma dipikiri hamu taringot tu hamu lobi sian na patut, tapi intap ni na patut ma parrohaonmunu, mangihutkon haporsayaan na diturpukkon ni Debata tu hamunu.

1 KORINTUS 9:2

Muda pe na so rasul au di halak na asing, laing rasul do au di hamu. Angke hamu do tandana paboa na tutu au rasul di bagasan Tuhan i.

SURAT NI SI PAULUS TU PARLAGUTAN ROM 3:29

Sanga hum Debata ni halak Jahudi do Ia lakna? Nada he Debata ni bangso na asing do muse? Olo, laing Debata ni bangso na asing do Ia.

JOHANNES 1:16

Angke sian hagogokNia, nada mar na mantak Ia, mamasumasu tu hita sudena.

EPESUS 1:12

boti anso hita na dung parjolo mararop ni roha tu Kristus i, mangolu laho mamuji Debata hara ni hagodanganNia i!

EPESUS 1:6

Pinuji ma Debata hara ni hadengganan ni rohaNia na songon i godang na nipabotohonNia tu hita mardapot-dapot markite-hite Anak haholonganNia i.

BAENON NI ANGKA RASUL 15:14

Madung nipajojor si Simon bahaso sian mulana madung dipatuduhon Debata holongNia tu angka bangso na asing, anso laing dohot sian halahi dipili Debata na gabe bangsoNia.

MALEAKI 1:14

“Hona bura ma pangicu na manghaulkon tu Au pahan-pahanan na so mararga, anggo adong dope pahan-pahanan na asing na dung dijanjihon humani tu Au! Angke Au do Raja Godang, jana sandok bangso do pasangapkon Au.”