SURAT NI SI PAULUS TU PARLAGUTAN ROM 1:19 - BIBEL JAMITA NA DENGGAN

¹⁹ Dibaen anggo parbinotoan taringot tu Debata madung tangkas di halahi, angke madung dipatangkas Debata i di halahi.

SURAT NI SI PAULUS TU PARLAGUTAN ROM 1:19 Referans Kwoze

SURAT NI SI PAULUS TU PARLAGUTAN ROM 1:20

Mamungka sian na manjadihon tano on Debata, anggo angka pangalaho ni Debata na so tarida i, i ma bako Hadebataan dohot hagogoanNia na manongtong i, anggo i tangkas do tarastui jolma markite-hite sude na nitompa i. Jadi nada tarbaen jolma i be marsidalian hara ni na so marbinoto.

JESAYA 40:26

Tatap ma tu langit i, ise dehe na mambaen bintang? Diatur Ia do sudena i songon parangan, diboto Ia do sanga sadia sude bahat ni bilanganna, jana ganop be do i dipio Ia marguru tu goarna. Hara ni godangna kuasoNia, sada pe nada adong i na jabat mago so haidaan.

JOHANNES 1:9

Torang na tutu na manorangi sandok jolma, ro tu portibi on.

JESAYA 40:21

Patut ma he nada diboto ho? Nada he dipaboa tu ho sian najolo? Nada he diastui ho sian mulana, sanga na bia tano on ditompa?

SURAT NI SI PAULUS TU PARLAGUTAN ROM 2:14

Anggo bangso na asing, nada diboto halahi Tona i. Tapi muda dipatulus halahi na nidok di bagasan Tona i sian roha ni halahi sandiri, jadi roha ni halahi sandiri ma na gabe tona ni halahi, haru pe nada diboto halahi dope Tona Ni Debata.