PODA 8:9 - BIBEL JAMITA NA DENGGAN

⁹ Torang do i sudena di halak na cerdas; di halak na marroha sudena i tangkas.

PODA 8:9 Referans Kwoze

PODA 14:6

Dijalahi pangincak do habisuhon tapi nada dapot ia, tapi muda halak na pistar momo do marsiajar.

JAKOBUS 1:5

Muda adong sanga ise sian hamu na hurang marroha, dipangido ia ma habisuhon sian Debata, gabe lehenon ni Debata ma disia habisuhon. Angke tu ganop halak do Debata mangalehen jana mardongan ibo ni roha.

JOHANNES 7:17

Sanga ise na ra mangihutkon hagiot ni Debata, botoon ni halahi ma sanga na sian Debata do pangajaranKi, sanga na sian roha-rohangKu sandiri.

JOHANNES 6:45

Tarsurat do di buku ni angka panurirang songon on: Ajaran ni Debata ma sudena halak. Jadi sudena halak na manangihon Debata jana na marsiajar sian Ia, angka halahi ma na ro tu Au.

PODA 15:24

Manaek tu hangoluan do dalan ni halak na bisuk, anso dao ia sian banua toru.

MIKA 2:7

Ulang diambang ho na hona bura ni Tuhan halak Israel. Nada unjung salpu sobar ni Tuhan. Nada ra Ia mambaen na songon i. Nada he burju Ia tu angka jolma na tigor pambaenanna?”

JESAYA 35:8

Gabe adong ma disi dalan godang, goarna “Dalan na tu hangoluan.” Nada boluson ni pardosa sian i, na bodo nada ihutkononna sian i.

PODA 18:15

Bahat do halak na pistar marjop ni roha, jana manguas marsiajar.

PODA 17:24

Adop habisuhon do hagiot ni na pistar, tapi rarat do pangaligi ni na oto.

PODA 15:14

Halak na marroha manjalahi parbinotoan; halak na oto puas do di haotoan.

PODA 3:13

Martua ma halak na dapotan bisuk dohot pangastuion – i ma halak na denggan roha.