PODA 8:15 - BIBEL JAMITA NA DENGGAN

¹⁵ Hubantu do angka raja mandalankon pamarentaon angka parkuaso hutolong manjongjongkon hatigoran.

PODA 8:15 Referans Kwoze

SURAT NI SI PAULUS TU PARLAGUTAN ROM 13:1

Angkon sude do halak mangoloi pamarenta, angke nada adong pamarenta na so manjagit kuasona sian Debata. Jana pamarenta na adong pe, sian parenta ni Debata do i.

DANIEL 2:21

Ia do na manontuhon musim dohot hatiha, dibalikkon Ia do parkuaso jana dipajongjong Ia. Laing Ia muse do na mangalehen habisuhon, jana na mambasa-basahon parbinotoan.

MATEUS 28:18

Gabe dipadonok Jesus ma tu halahi, didok Ia ma hata, “Sude kuaso na di banua ginjang dohot di tano on, madung dipasahat tu Au.

HALUMBAAN 19:16

Tarsurat do di baju jubaNia dohot di hae-haeNia i goar on, “Raja ni sasude raja jana Tuan ni sude tuan.”

DANIEL 4:32

Paoroton ma ho sian parngoluon ni jolma, jana mangolu di padang-padang ma ho songon angka binatang. Pitu taon honokna mangan ruput noma ho songon lombu. Dung salpu i okuonmu ma na markuaso do Na Gumincat i maradopkon harajaan ni jolma jana dilehen Ia harajaan i sanga na tu ise sajo na nitodoNia.”

HALUMBAAN 19:11

Dung i huida ma mungkap banua ginjang, haruar ma sada kudo na bontar, jana na juguk di ginjangna i margoar, “Na Setia dohot Na Sintong,” jana markite-hite hatigoran do Ia manguhumi dohot marporang.

DANIEL 4:25

Paoroton ma raja i sian tonga-tonga ni parngoluon ni jolma, jana mangolu di tonga-tonga ni angka binatang noma di padang. Pitu taon honokna sai mangan ruput raja i songon lombu jana modom di tano lapang na so martarup, gabe marombun-ombun. Dung salpu i, okuon ni raja i ma paboa na markuaso do Na Gumincat i di ginjang ni harajaan ni jolma, jana dilehen Ia harajaan i tu sanga ise sajo na nitodo ni rohaNia.

JEREMIA 33:15

Anggo di hatiha i pilionKu ma sada raja na tigor sian pomparan ni si Daud. Padalanon ni raja i ma hatigoran dohot na sintong di sude luat.

JESAYA 1:26

LehenonKu ma angka pamimpin dohot angka na mangalehen sipaingot mangulahi songon najolo. Jadi gabe goaran ma Jerusalem kota na tigor dohot na burju.”

MASMUR 99:4

Raja na marsahala, dihaholongi Ho do na tutu, madung dihajongjongkon Ho do hatutuan. Uhum dohot hatigoran didalankon Ho di tonga-tonga ni pomparan ni si Jakob.

1 JUJUR TAON 28:5

Dilehen Ia do hagabean bahat anak di au jana sian anakki sudena ditodo Ia do si Salomo anso mamarenta di Israel, harajaan ni Tuhan i.

1 RAJA-RAJA 10:9

Sipujion do Tuhan, Debatamu! Diangkat Ia antong tuan i gabe raja ni Israel, i ma tandana na jop roha ni Tuhan maradopkon tuan i. Nada marnamantak Ia mangkaholongi Israel, hara ni i ma umbaen na diangkat Ia tuan i gabe raja ni halahi, anso laing tarpatulus tuan i manjongjongkon tona dohot hatigoran.”

1 RAJA-RAJA 5:7

Jop situtu roha ni Raja Hiram manjagit barita i. Ning ia ma, “Nipuji ma Tuhan sadari on angke madung dilehen ia di si Daud sada anak na bisuk gabe raja ni bangso na godang i.”

1 RAJA-RAJA 3:28

Dung dibege halak Israel haputusan ni si Salomo taringot tu parkaro i, gabe homang ma halahi jana dipasangap halahi ma si Salomo. Tangkas ma tarida, na dung dilehen Debata disia habisuhon laho manimbang parkaro di bagasan hatigoran.

1 RAJA-RAJA 3:9

Hara ni i ale Tuhan, lehen ma di au habisuhon na porlu di au laho mamarenta bangsoMon di bagasan hatigoran jana anso tangkas di au paasingkon dia na denggan, jana dia na jat. Muda nada songon i, songon dia ma tarbaen au mamarenta bangsoMu na godang on?”

1 SAMUEL 16:1

Dung adong sadia honok mangkuling ma Tuhan tu si Samuel, “Sadia honok nari ho marsak patunda ni si Saul i? Nada he na dung Hutulak do i gabe raja ni Israel? Saonnari buat ma miak zetun jana kehe ma ho tu Betlehem, mandapotkon sada halak na margoar si Isai, dibaen madung Hutodo sada halak sian angka anaknia i na gabe raja.”

1 SAMUEL 9:17

Dung diida si Samuel si Saul, didok Tuhan ma tusia, “On ma ibana halak na Hudokkon i tu ho. Ia ma na giot mamarenta bangsongKu.”

2 JUJUR TAON 1:10

Hara ni i sai lehen ma nian di au habisuhon dohot parbinotoan na huhaporluhon laho mamarenta halahi. Anggo nada songon i bia ma he pambaenku mamarenta bangsoMu na godang on?”

MASMUR 2:10

Jadi hamu angka raja, parrohahon hamu ma, ingot ma hamu di poda on, hamu ale angka na markuaso!

PODA 8:16

Harana au do mambaen markuaso pamimpin, dohot parpolitik, dohot panguhum di tano on.

PODA 29:4

Muda dirohahon parkuaso hatigoran, togu ma negarana. Tapi muda hepeng dirohahon, maronco ma luatna.

2 JUJUR TAON 1:11

Dialusi Debata ma tu si Salomo, “Denggan do da pangidoanmi. Nada hakayoan dipangido ho sanga sinadongan sanga anso tarbonggal sanga hamatean ni musumu, sanga umur na ginjang di dirimu sandiri, tapi habisuhon do dohot parbinotoan laho mamarenta bangsongKu na Hupasahat tu ho.