PODA 7:22 - BIBEL JAMITA NA DENGGAN

²² Nada marpikir be ia manigor mangihut tu anak boru i songon lombu na diiring tu panyambolan jana songon ursa na giot kehe tu jaring.

PODA 7:22 Referans Kwoze

JOB 13:27

Ditambat Ho do patku dohot rante bosi; sude panggulmitonku Ho do manjagoi. Salangkan palampak ni patku, nada taldus sian panatapanMu.

BAENON NI ANGKA RASUL 16:24

Jadi hara ni parenta i, dipamasuk kapala ni hurungan i ma halahi na dua tu kamar parbagasan situtu di hurungan i jana dibayangkon ia dope pat ni halahi tu balok.

BAENON NI ANGKA RASUL 14:13

Ro ma malim ni Debata Zeus na sian bagas parsombaan na di jolo ni kota i, dioban ia ma angka lombu dohot bunga-bunga tu lambung horbangan ni kota i. Giot dohot ia marsomba rap dohot halak na bahat i pasahatkon haul tu rasul na dua i.

JEREMIA 20:2

diparentahon ia ma anso dipotuk au jana dibayangkon di Pintu Horbangan Benyamin, horbangan parginjang di Bagas Ni Tuhan.

PODA 6:32

Tapi halak na markarosuan, na hurang roha do ia disi angke na manyegoi dirina sandiri do ia disi.

PODA 7:21

Songon i ma dibaen anak boru i mangarayu doli-doli i mardongan elek-elek na manarik lopus gabe targoda ia.

PODA 7:23

Santongkin nari tombuhon ni anak ni pana ma andorania. Songon unggas na habang manyuruk jaring, nada diboto madung marmara ngoluna.