PODA 7:12 - BIBEL JAMITA NA DENGGAN

¹² Maradian do halahi di topi ni dalan sanga na inganan na ribur.

PODA 7:12 Referans Kwoze

PODA 23:28

Mangadang do halahi songon panyamun jana patunda ni halahi bahat halaklahi na marmainan.

PODA 9:14

Juguk ma ia di pintu ni bagasna, sanga di harbangan ni kota.

HALUMBAAN 18:3

Madung diinum sasude bangso anggur sian hagiotnia na rorang i. Mambaen harorangon do angka raja dohot ia jana gabe maradong be ma angka saudagar na satano on hara ni hagiotna na so tarordahon i.”

HALUMBAAN 18:23

Dung i nada be manyondangi sinondang ni palito di bagasan ho, nada tarbege be sora ni bayo pangoli, bagi sora ni boru na nioli di bagasan ho, dibaen angka halak na godang do na jolo angka parjagalmi, jana markite-hite hadatuonmu madung lilu sude bangso.”

JEHESKIEL 16:31

Di balerong ni pasar dohot di topi ni sandok dalan dipajongjong ho do angka inganan parsombaan ni gana-ganaan jana marmainan ho disi. Tapi nada songon siboru jalang na somal ho manghaporluhon hepeng.

JEREMIA 3:2

Manaili ma jolo ho tu ginjang, tu puncu ni angka dolok! Na dia dope inganan i na so unjung ditopot ho laho marmainan? Songon halak Arab na juguk di padang halongonan, songon i ma ho juguk di topi dalan painte-intehon halak na giot manandangi ho. Gabe hodar luat on dibaen ho hara ni parmainanmu.

JEREMIA 2:36

Nayang na i didok rohamu laho paubahon parangemu! Jana angkon maila ma ho hara ni halak Mesir, songon na dung dipaila ni Asur i ho.

JEREMIA 2:33

Na sun do antong malomunu mambaen dalan laho manarik roha ni angka haholongan ni rohamunu i. Salang boru panggampang na jumorbut i pe laing tarbaensa do marsiajar sian hamu.

JEREMIA 2:20

Didok Tuhan, “Madung honok na so ra ho tunduk tu Au; nada ra ho mangoloi sanga marsomba tu Au. Di puncu ni ganop dolok na gincat, dohot di toru ni sandok hayu na rumbun disomba ho do angka debata ni hagabean.

PODA 7:8

Mardalan ma doli-doli na oto i di dalan i, lalu ma ia donok tu bagas ni sada dadaboru jalang.