PODA 7:10 - BIBEL JAMITA NA DENGGAN

¹⁰ Lalu kehe ma dadaboru panggampang i mandapotkon ia, dipake ma abit na songon abit ni dadaboru jalang jana madung adong tahina na jat.

PODA 7:10 Referans Kwoze

1 TIMOTEUS 2:9

Laing songon i taringot tu angka dadaboru, giotku nian mangias ma halahi songon na somal jana mamake pakean na sopan. Ulang ma dibaen parsuri na lobi sanga mamake angka barang sere sanga berlian, sanga pe angka pakean sigodang arga.

JEREMIA 4:30

O ale Jerusalem, madung maronco ho! Aha be gunana marbaju na saksak jana mamake barang sere dohot perak, dohot mangalapuhon colak di mata? Parcuma do dipajeges ho dirimu, angke nada tumbuk be ho di roha ni haholonganmu, mur halahi noma na giot mambuat hosamu.

2 RAJA-RAJA 9:30

Lalu ma si Jehu tu Jisreel. Dung tarbege tu si Isebel sude na masa i, dipajeges ia ma parsurinia, dung i manaili ma ia tu toru sian jandela ni bagas godang i.

JESAYA 23:16

Buat ma hasapi, dalani ma kota on, o, boru jalang na nihalupahon! Piltik ma hasapi i, marende ho mangulahi, anso diingot ho mangulahi.

2 RAJA-RAJA 9:22

“Barita na denggan do luai ale,” ning si Joram manyapai si Jehu. “Bia ma pambaenna adong hadameon, anggo laing adong dope angka datu dohot panyombaan tu gana-ganaan na nipungka ni si Isebel inangmi didalankon dison,” ning si Jehu mangalusi.

PAMUNGKAAN 3:1

Ulok do binatang na umbisuk sian sude binatang na nitompa ni Tuhan Debata. Disapai ulok i ma tu dadaboru i, “Tutu ma he na so dipatola Debata hamu mangankon batu ni hayu na di bagasan kobun on sude?”

PODA 23:28

Mangadang do halahi songon panyamun jana patunda ni halahi bahat halaklahi na marmainan.