PODA 6:12 - BIBEL JAMITA NA DENGGAN

¹² Kehe do mangadangi halak na jahat mangkecetkon gabus.

PODA 6:12 Referans Kwoze

MATEUS 12:34

O hamu pomparan ni ulok, songon dia dehe tarbaen hamu mandok angka na denggan, angke na jahat do hamu? Angke, sanga aha na manggohi roha, matua i do hobarkonon ni pamangan!

PODA 16:27

Dijalahi halak na jahat do dalan mangago na asing, hatana pe manjadi do marhite hajahatan.

PODA 4:24

Sanga na bia pe ulang jabat tardokkon ho angka hata na so tutu. Padao ma angka pandohan na laho mangaliluhon halak.

1 TIMOTEUS 5:13

Boti muse hum pasude-sude hatiha noma i, puas-pais halahi manaek mijur tu bagas ni halak, jana na jumatjat dope, marsiajar disi ma halahi pahata-hata halak dohot na mangantoi karejo ni halak dohot na mangkata-hatai na so sihataan.

BAENON NI ANGKA RASUL 20:30

Salang sian tonga-tongamunu sandiri pe, tarida ma angka halak sidok hata na so tutu. Anso gabe lilu sanga ise na dung porsaya tu Jesus jana mangihut tu halahi, i do tujuan ni halahi.

PODA 17:4

Parjahat mangihutkon usul na jahat, pargabus mangihutkon gabus dohot ginjang ni dila.

PODA 8:13

Biar mida Tuhan dos do i dohot na magigi mida hajahatan; nada huhagioti ginjang ni roha dohot hagakgakan. Goyak do rohangku mida pangalaho hajahatan, dohot hata-hata na mambaen haliluan.

MASMUR 59:7

Torus do halahi manjalahi sindir dohot mangalayasi, hata ni halahi maradu tajom songon podang, diambang halahi na so adong na umbegesa.

JAKOBUS 3:6

Songon api do dila i. Asar ni hajahatan do dila i di pamatangta na pararatkon hajahatan tu sude dirinta. Markite-hite api na sian narako i, dipamosok ia ma sude ngolunta.

PODA 11:6

Halak na jujur malua hara ni ias ni rohana; halak na so haposan, targompang hara ni songkalna.

PODA 6:14

Angke na jahat sajo do dipikiri di bagasan rohania, na jat i anso mambaen parbadaan.

PODA 2:12

jana sundatanna ma ho mangkarejohon na sala, boti muse padaoonna ma ho sian angka jolma na patubu-tubu parbadaan.

MASMUR 36:3

Gok sipaoto-oto, jahat angka hatana, anggo na denggan dohot habisuhon nada dibaensa.

MASMUR 10:7

Mamurai ia jana mangondam, sude hatania gok hagigian dohot hajahatan.

MASMUR 10:3

Halak na jahat manghatahon na nihalungunkon ni rohana, halak na lahap mamurai jana manulak Tuhan.

JAKOBUS 1:21

Antong hara ni i, ambungkon hamu ma sude hasomalan na hodar dohot na jat. Jagit hamu ma di bagasan toruk ni roha Hata na nisuan ni Debata di bagasan rohamunu, angke margogo do Hata i laho paluahon hamu.

JEREMIA 24:2

Karanjang na sada marisi batu ni ara na jeges-jeges, songon patumonaan ni batu ni ara, tapi anggo karanjang na sada nari marisi batu ni ara na busuk-busuk do, gabe nada tarpangan.

1 SAMUEL 17:28

Dibege si Eliab angkang ni si Daud siangkaan i do si Daud na manghata i dohot angka parangan i. Gabe muruk ma ia tu si Daud, didok ia ma, “Biasi ro ho tuson? Tu ise dipauruskon ho angka biri-birimi di halongonan? Huboto do na papuluk-pulukkon ho; inda he na giot mangaligi porang ho ro tuson?”

PODA 10:32

Halak na bulus marroha pangkataina pasonang roha; hata ni halak na jahat sai pahancit roha.

MASMUR 101:3

hajahatan nada padiaronku. Huhagigihon do parbuatan ni halak na balik, nada ra au marsiantoan dohot halahi.

PODA 3:32

angke sogo do roha ni Tuhan mida halak na mambaen na jahat, tapi dipatulus Ia do sangkap ni halak na tigor.

PODA 16:30

Jamot ma ho maradopkon halak na mikim tu ho dohot na main mata, na mambaen sangkap jahat do i di bagasan rohana.