PODA 5:21 - BIBEL JAMITA NA DENGGAN

²¹ Diida Tuhan do sasude na nibaenmu, dijago Ia do ho sanga na tu dia pe ho kehe.

PODA 5:21 Referans Kwoze

IBRANI 4:13

Umpe sada sian na nitompa i na buni, na so niida ni Debata. Talak do sudena jana patar di joloNia. Jana angkon lehenonta do tuSia partanggungjawabanta.

PODA 15:3

Diida Tuhan do sudena na tarjadi di sude inganan; diparrohahon Ia do sudena na denggan dohot na jat.

JEREMIA 32:19

Sumurung do angka sangkapMu jana hahomangan do angka pambaenanMu; diida Ho do sude pambaenan ni jolma, jana dibalos Ho do tu halahi hombar tu pambaenan ni halahi.

JOB 34:21

Dipareso Ia do ngolu ni jolma, diida Ia do sude parkarejoanna.

MASMUR 11:4

Maringanan Tuhan di BagasNa na badia, marhabangsa di banua ginjang do Ia. Angka jolma i sai dipaligi-ligiSa, sude karejo ni halahi diboto Ia.

JOB 31:4

Diboto do sasude pangalahongku; dipamanat Ia do sandok langkangku.

HOSEA 7:2

Na so unjung do mamolus di pikiran ni halahi, sai paingot-ingotonKu do sude hajahatan ni halahi i. Humaliang halahi do angka dosa ni halahi gabe tangkas do Huida sudena.”

JEREMIA 23:24

Sahalak pe nada adong na tarbaen buni sian parnidaanKu. Angke di sude inganan do Au adong: Di banua ginjang sanga di tano on.

JEREMIA 16:17

Huida do sude na nibaen ni halahi. Nada adong na buni di Au; angka dosa ni halahi pe Huida do.

MASMUR 119:168

Huoloi sude parentaMu dohot sandok panoguMu, diida Ho do sude pambaenanku.

MASMUR 17:3

Ditanda Ho do rohangku; muda borngin ro do Ho pamanatkon au; hape anggo hata dohot hagiot na jat, nada dapot Ho sian au.

JOB 14:16

Jadi mataanMu ma sandok langkangku, tapi nada rohahononMu be anggo dosangku.

2 JUJUR TAON 16:9

Dijagoi Tuhan do sandok portibi on jana dipatuduhon Ia do hagogooanNia tu angka jolma na setia tuSia. Di pambaenanmi dipataridahon ho do ho na bodo, patunda ni i, mamungka saonnari sai marpupu noma ho mangalami parporangan.”

JEREMIA 17:10

Au do Tuhan na mandodo roha; Huuji do ate-ate ni jolma. BaloskononKu do tu ganop hombar tu pangalahona; jana Hubaen hombar tu pambaenanna.”

HALUMBAAN 2:23

Angka halak na mangihutkon ia pe angkon Hubunu do anso laing torang diboto angka parlagutan i paboa na Au do na tuk mandodo pikiran dohot roha ni jolma. BaloskononKu ma tu hamu marguru tu pambaenanmunu be.

HALUMBAAN 2:18

“Tu surusuruan ni parlagutan na di Tiatira songon on ma suratkon: On ma barita na sian Anak Ni Debata, na marnyala-nyala i mataNa songon api, dohot patNa na margurasa i songon tumbaga na marlinu.

PODA 4:26

Jolo denggan ma nipikiran painte so nikarejohon, anso mardohar ho di bagasan sude parkarejoanmu.

PODA 5:6

Nada dipikiri ia dalan hangoluan, madung manyirpang ia, jana nada diboto sanga aha sidalananna.

JEREMIA 29:23

Songon i ma bagian ni halahi hara ni na dung mambaen angka dosa na godang di Israel; marmainan halahi jana dipake halahi goar ni Tuhan laho mancaritohon angka pangalaho na so tutu. Maralo do na songon i tu hagiot ni Tuhan, diboto Ia do sanga aha na nibaen ni halahi, jana Ia sandiri saksina laho mangalo halahi. Madung didok Tuhan songon i.”

JOB 24:23

Dilehen Debata disia ngolu na sonang i, tapi nada marnamantak ia dimatai.