PODA 30:5 - BIBEL JAMITA NA DENGGAN

⁵ Digohi Debata do sude janjiNia. Songon parince do Ia di sude na ro marsiholip tuSia.

PODA 30:5 Referans Kwoze

MASMUR 18:30

Sanggam do pambaen ni Debata, janjiNia haposan do di roha. Tudos do Ia tu parince di halak na marpangondian tuSia.

JAKOBUS 3:17

Tapi sanga ise na maruli habisuhon na ro sian ginjang, na parjolo: Na ias do i, dung i pardame, na burju dohot na ra mangoloi. Gok do i dohot ibo ni roha bope na pataridahon angka parange na denggan. Nada ganggu rohana jana nada mangalancap.

MASMUR 84:11

Angke pangondian na gogo do Tuhan Debata, na mangalehen sangap dohot basa-basa di hita. Sai marpupu do dilehen Ia hadenggananNia tu halak na patuluskon hagiotNia.

MASMUR 12:6

Togu do janji ni Tuhan jana tarpangasahon, songon sere na polin na diuji di bagasan api.

MASMUR 3:3

Hape Ho do ale Tuhan, parince na mangondingi au; dilehen Ho do hamonangan di au jana dipagodang Ho rohangku.

MASMUR 119:140

Hot do janjiMu jana haposan, sai holong do rohangku midasa,

MASMUR 91:2

tola ma dokkononna tu Tuhan, “Ho noma pangondianku dohot parlindunganku. Debatangku, haposan ni rohangku.”

PAMUNGKAAN 15:1

Dung i dijagit si Abram ma sada halumbaan, jana dibege ia ma Tuhan mandok tusia, “Ulang ho mabiar Abram, Au do mangondingi ho sian parmaraan, jana lehenonKu ma tu ho upa bahat.”

SURAT NI SI PAULUS TU PARLAGUTAN ROM 7:12

Jadi badia do Tona i, parenta i pe badia do, tigor jana denggan.

MASMUR 144:2

Ia do pangondian dohot na mambela au, parlinggoman dohot na palua au. Ia do pos ni rohangku, muda diSia sonang do au; tunduk dibaen Ia angka bangso tu au.

MASMUR 19:8

Tumbuk do paraturan ni Tuhan i, pasonangkon roha ni sipangoloi. Polin do na niputuskon ni Tuhan i, mambaen jolma i mangastui.

2 SAMUEL 22:31

Sanggam do pambaenan ni Debata, haposan do sude janjiNa. Songon panapik ni sinjata do Tuhan i di halak na maporus tuSia sandiri.

MASMUR 18:2

Tuhan do parondinganku, benteng na togu di au. Tu Debata do au marsilaung, gabe sonang au marlindung. Songon parince digupgupi Ia au, dijago Ia au tongtong anso sai sonang au.

PODA 2:7

Dilehen Ia do tu halak na daulat pangurupion dohot parlinggoman.

MASMUR 18:31

Angke nada adong Debata asing sian Tuhan, hum Debata do na mangalehen parlindungan.

PODA 29:25

Muda jolma do dihabiari ho, na mambaen jorat do ho di dirimu; tapi haposi ma Tuhan, anso dijagohon Ia ho.