PODA 3:6 - BIBEL JAMITA NA DENGGAN

⁶ Ingot ma Tuhan di bagasan sude na nikarejohonmu, anso dipatuduhon Ia tu ho dalan parngoluon na sintong.

PODA 3:6 Referans Kwoze

PODA 16:3

Pangido ma Tuhan mamasumasu karejomu, gabe tulus ma sude sangkapmu.

MASMUR 32:8

Didok Tuhan, “Hupatuduhon pe dalan sibolusonmu. Hutogu pe ho jana Hupaingot.

PILIPPI 4:6

Ulang pola holoskon hamu sanga na aha. Sanga dia pe na masa, martangiang ma hamu jana pasahat hamu ma pangidoanmunu tu Debata. Sanga aha na porlu di hamu, paboa hamu ma i tongtong tu Debata mardongan roha na mandok tarimakasi.

PODA 16:9

Bolas do jolma mambaen sangkap, tapi Tuhan do na patuluskon langkana.

JEREMIA 10:23

Huboto do ale Tuhan, sahalak pe nada margogo manontuhon dalanna sanga mangatur pardalan ni ngoluna.

JAKOBUS 1:5

Muda adong sanga ise sian hamu na hurang marroha, dipangido ia ma habisuhon sian Debata, gabe lehenon ni Debata ma disia habisuhon. Angke tu ganop halak do Debata mangalehen jana mardongan ibo ni roha.

JESAYA 30:21

Muda manyimbil hamu sian dalan, tarbege do i sian pudimunu soraNia na mandok, “On do dalan i; dalan on ma bolus hamu.”

JESAYA 48:17

Songon on ma pandokkon ni Tuhan, Partobusmu, Na Sun Badia, Debata ni Israel: “Au do Tuhan, Debatamu, na mangajari ho salaho tu na mangkorhon na denggan, na mangaramoti ho di dalan na angkon bolusonmu.

KOLOSSE 3:23

Sanga karejo aha pe dipasahat tu hamu, karejohon hamu ma i sian sude rohamunu songon na patupahon tu jolo ni Tuhan, nada songon na patupahon tu jolma.

KOLOSSE 3:17

Pendekna, sanga aha sikarejohonon sanga sidokkononmunu, angkon mangasahon Tuhan Jesus do karejohonon jana dokkononmunu i. Jana mandok tarimakasi ma hamu tu Debata Ama i markite-hite Jesus.

PODA 23:17

Ulang iba mangiburu mida halak pardosa. Oloi ma torus Tuhan,

1 KORINTUS 10:31

Sanga aha pe na nibaenmunu – mangan sanga minum hamu – pasangapkon Debata ma baen hamu sudena i.

1 JUJUR TAON 28:9

Jadi tu si Salomo, didok si Daud ma, “Amang, Debata na nisomba ni amangmu ma oku gabe Debatamu. Angkon oloanmu do Ia sian sonang dohot ias ni rohamu. Harana diboto Ia do sude pikiran dohot pos ni rohanta. Muda dijalahi ho Ia, gabe padumpang ma dohot Ia, tapi muda ditadingkon ho, tulakkononNia noma ho salolot-lolotna.

1 SAMUEL 30:8

Dung i marsapa ma si Daud tu Tuhan, “Angkon kojaronku do ulaning garombolan pangaroro i? Tarkojar au dope halahi?” Dialusi Tuhan ma, “Olo, kojar ma! Dapot ho dope i jana paluaonmu ma angka na tartaban i.”

JESAYA 45:13

Au do na manyosoi si Kores anso mambaen tindakan, laho mandalankon maksudKu, anso jongjong hatigoran. Hupahornop dalan sibolusonnia, Jerusalem hutangKu dibangun ia. BangsongKu na hona taban, dipalua ia, so hara ni sisip sanga nidangdangan.” Tuhan Na Markuaso i do na mandokkon i.

NEHEMIA 1:11

Tangihon ma tangiangku dohot tangiang ni sude naposoMu na asing i, na ra pasangankon Ho. Lehen ma pangurupiMu anso laing tulus naposoMon sadari on dapotan asi ni roha sian raja.” Siurus inumon ni raja do au di hatiha i.

NEHEMIA 2:4

Marsapa ma raja i, “Antong, aha do giotmu?” Martangiang ma au di bagasan rohangku tu Debata na markuaso di banua ginjang i,

ESRA 7:27

Jadi didok si Esra ma, “Puji ma Tuhan, Debata na nisomba ni ompunta i! Madung disungguli Ia roha ni raja gabe ra ia mangalehen rohana tangkas tu Bagas Ni Tuhan di Jerusalem.

2 KORINTUS 8:16

Tarimakasi do hami dok tu Debata hara ni na dung mangalehen ringgas ni roha tu si Titus gabe songon hami laho mangurupi hamu!

BILANGAN 9:20

Tapi huhul hum sanga piga-piga ari ombun i di ginjang ni Bandar Parmianan. Sanga na bia pe, marguru tu parenta ni Tuhan i do na manontuhon laing tinggal sanga pinda halahi.

NEHEMIA 7:5

Jadi diparrohai Debata ma au laho palagutkon rayat i dohot angka pamimpin maradu hatobangonna anso bolas etongonku halahi hombar tu buku tarombo ni halahi be. Na dung jolo dapot au do di hatiha i suratna taringot tu angka halak na parjolo mulak sian habuangan. Songon on ma hatorangan na dapot au sian catatan i:

PODA 11:5

Dalan ni halak na denggan dipahornop hajujuran, tapi halak na jahat maroban dirina tu hamagoan.

JEREMIA 42:3

Anggiat dipabotohon Tuhan, Debatamu dalan sidalanannami dohot bagi aha sibaenonnami.”

JESAYA 26:7

Lidang do dalan ni halak partigor, angke Ho do na mangarintis dalan disia.