PODA 3:14 - BIBEL JAMITA NA DENGGAN

¹⁴ Umbahat do labona umpado na dapotan perak; gumincat argana sian sere.

PODA 3:14 Referans Kwoze

PODA 16:16

Ummarga do dapotan habisuhon dohot parbinotoan, ulang pado dapotan sere dohot perak.

PODA 8:19

Sanga aha pe na dapot ho sian au ummarga do i sian sere na polin; jana sian perak na jumeges.

MATEUS 16:26

Aha ma he labo ni halak, muda ia nampuna sude na satano on, anggo mago do sian ia ngolunia? Targonti ma he ngolu i sanga na dohot aha?

MASMUR 119:111

ParentaMu do pusako di au salolot-lolotna, na mambaen rohangku marmoga-moga.

HALUMBAAN 3:18

Jadi Hupaingot ma hamu anso tobusi hamu ma sian Au sere, i ma sere na polin, anso tutu hamu gabe mamora. Laing dohot ma pakean na bontar tobusi hamu sian Au anso marpakean hamu, ulang diida halak be hamu di pangalahomunu na marsaemara jana na pailahon i. Jana tobusi hamu muse ma ubat ni matamunu i anso marnida hamu.

PODA 2:4

Jalahi ma i songon na manjalahi sere, jana kojar ma i songon na mangkojar arta na buni.

MASMUR 119:162

Baga-bagaMu mambaen jop ni rohangku, songon halak na dapotan harto.

MASMUR 119:72

Ummarga do di au TonaMu ulang pado sude sinadongan na di tano on.

PARJAMITA 7:11

Angkon marbisuk do jolma na mangolu; jana sarupa do arga ni bisuk dohot tean-teanan;