PODA 26:24 - BIBEL JAMITA NA DENGGAN

²⁴ Tabo do hata ni parlate tapi anggo rohana gok sipaoto-oto do hape.

PODA 26:24 Referans Kwoze

PODA 12:20

Halak na martahi hajahatan, manipu dirina; halak na parayak hadengganan, gabe martua.

PODA 10:18

Halak na manabunihon hosom ni rohana, panipu do i, halak na pasarsarkon late, na bodo do i.

MASMUR 41:6

Angka na marroan mangaligi au, marroha na jat do halahi tu au. Dipalagut halahi do hata-hata na so ture salaho tu au, jana dipasarsar halahi ma i sun tu jae tu julu.

PODA 14:8

Halak na marroha, denggan do tindakanna, angke dibotosa do sanga aha sibaenonna. Halak na oto, tindakanna pe oto do harana na paula-ula do ia mamoto.

PODA 12:17

Marhite na mandok na tigor, dipajongjong halak hatigoran; marhite gabus, diparo halak hageduhan.

PODA 12:5

Halak na jujur martahi na denggan; tapi halak na jahat sai giot paoto-otohon.

PODA 11:1

Goyak do roha ni Tuhan di halak na mamake timbangan na geduk; tapi di timbangan na jujur do rohaNia sonang.

PODA 23:7

Harana, dokkononnia do i, “Tole mangan hita; tambai hamu da,” hape anggo rohania nada songon i. Hum tabo begeon do hatania, tapi anggo rohana asing do.

JEREMIA 9:4

Angkon jamot do halak maradopkon donganna salang dongan saama pe nada haposan, angke songon si Jakob, laing songon i ma halahi marsipaoto-oto kahanggina. Pahae-pahulu ganop be pasarkon hata manilakoi dohot gabus.

PAMUNGKAAN 34:13

Hara ni na dung disego-sego ni si Sikem habujingon ni si Dina i, gabe margabus ma angka dakdanak ni si Jakob i tu si Sikem dohot tu si Hemor amangna i.

1 SAMUEL 18:17

Ditahi roha ni si Saul ma anso dibunu halak Pilistin si Daud di bagasan porang anso ulang ia sandiri mamunusa. Jadi di sada ari didok si Saul ma tu si Daud, “Hupatunang ma borungku siangkaan i dohot ho, asal ma dipatuduhon ho habaranionmu marporang di Tuhan.”

2 SAMUEL 13:26

Dung i didok si Absalom ma, “Antong anggo songon i noma, paloas ma angkangku si Amnon rap dohot hami.” Didok raja i ma, “Ia pe nada pola porlu dohot.”

2 SAMUEL 13:27

Tapi hara ni na torus disosoi si Absalom, ujungna dipaloas si Daud ma si Amnon dohot sude anaknia na asing i rap dohot si Absalom. [Dung i diparade si Absalom ma sipanganon na tabo.]

2 SAMUEL 20:9

Didok si Joab ma tu si Amasa, “Aha do barita, dongan?” ning ia lalu ditiop ia janggut ni si Amasa dohot tangannia siamun tarsongon na giot mangumma ia.

NEHEMIA 6:2

Jadi martona ma si Sanbalat dohot si Gesem tu au anso ro au mambaen parsuoan dohot halahi di sada huta di Rura Ono. Tapi huboto do bahaso na giot mambaen mara do halahi tu au,

MASMUR 12:3

Antak ma hata ni pangalancap, ale Tuhan, pahohom ma parpamangan na bidang.

MASMUR 28:3

Ulang uhumi au rap dohot halak na durako, rap dohot halak sibaen hajahatan na so labo. Tabo-tabo do begeon hatana manarik tu roha, hape gok hagigian do anggo di ate-atena.