PODA 24:9 - BIBEL JAMITA NA DENGGAN

⁹ Dosa do sandok siasat ni halak na oto. Jolma na sai manggorahon halak na asing, nada adong sanga ise pe na manghajopkon i.

PODA 24:9 Referans Kwoze

MATEUS 15:19

Harana sian roha i do haroroan ni angka pikiran na jat, gabe mamunu jolma, mangalangkup, mambaen na so ture, manangko, margabus, dohot na manilakoi.

2 KORINTUS 10:5

jana hami parrumpakkon do angka benteng haginjangon ni roha na nipajongjong laho mangalo na tutu salaho tu Debata. Hami tangkupi do roha ni angka halak jana hami baen halahi unduk mangoloi Kristus.

JESAYA 55:7

Sai dipauba parjahat ma ngoluna, jana dipadenggan ma rohana. Sai mulak ma ia tu Tuhan Debata, angke paribo roha do Ia jana manigor do ampunanNa ia.

BAENON NI ANGKA RASUL 8:22

Jadi hara ni i pauba ma rohamu na jahat i jana pangidohon ma tu Tuhan anso diampuni Ia rohamu na jahat i!

MATEUS 9:4

Diboto Jesus do na nipikiran ni halahi i gabe didok Ia ma, “Biasi he dipikiri hamu na jat di bagasan rohamunu lakna?

PODA 29:8

Halak na sai tagi pasalahon, bolas do i manggaori kota. Tapi anggo halak na marroha sai dipademak do na masa.

PODA 24:8

Halak na sai mambaen sangkap hajahatan, goaron do i sipanggaori.

MATEUS 5:28

Tapi anggo saonnari Hudok tu hamu: Muda adong halak na midaan dadaboru, gabe impol rohania, na dung markarosuan do ia dohot anak boru i di bagasan rohania.

JEREMIA 4:14

O Jerusalem, ambungkon ma hajahatan sian bagasan rohamu anso dipalua ho. Sadia honok nari angka pikiran na jahat i sai simpan-simpanonmu di bagasan rohamu?

PAMUNGKAAN 6:5

Di na nipamanat ni Tuhan, hape na sun do jahat ni jolma i sude di tano on, boti santak ni busuk ni angka pikiran ni halahi,

PODA 23:7

Harana, dokkononnia do i, “Tole mangan hita; tambai hamu da,” hape anggo rohania nada songon i. Hum tabo begeon do hatania, tapi anggo rohana asing do.

PODA 22:10

Paorot ma halak na sai tagi patubu-tubu layas jadi gabe mantak ma bada dohot na marsitilakoan.

MASMUR 119:113

Sai magigi do au mida halak na meol-eol, tapi huhaholongi do angka TonaMu.

PAMUNGKAAN 8:21

Moga ma Tuhan dibaen uap na huskus sian haul somba-somba i, jana didok Tuhan ma di bagasan rohaNia, “Nanggo buraanKu be portibi on hara ni pangalaho ni jolma; Huboto, sian haposoon ni jolma i do jahat pikiranna. Nada uhumanKu be sude jolma na mangolu, songon na baru Hubaen i.

PODA 9:7

Muda dipatuduhon ho sala ni halak siginjang roha, incahannia do ho. Muda dimuruhi ho halak na jahat, hona siksa do ho baenonna.

PODA 21:24

Jolma na oto jana siginjang roha sai mangincahi do i jana pamalo-malohon.