PODA 24:4 - BIBEL JAMITA NA DENGGAN

⁴ Sanga di dia adong parbinotoan, disi do adong angka kamar na singkop dohot barang-barang sigodang arga jana na jeges.

PODA 24:4 Referans Kwoze

PODA 21:20

Halak na marroha tongtong do sonang jana mamora; hape anggo halak na bodo diabiskon do hepeng na baru dijagitna.

PODA 15:6

Sinadongan ni halak na denggan sai na hot do adong; sinadongan ni halak na jahat mago do hara ni hasusaan.

PODA 20:15

Ummarga do hata na marisi parbinotoan sian sere dohot sian parmata.

PODA 8:21

Angke hulehen do hakayoon tu na manghaholongi au; sinadongan manggohi bagasna.

MATEUS 13:52

Dung i ninna Jesus ma, “Hara ni i ma, sude Siboto Surat na dung mangguruhon Harajaan Ni Banua Ginjang i, gabe tarsongon sada halak tuan di sada bagas do i, na paruarkon sian panyimpananna sude barang-barangnia sigodang arga, na imbaru dohot na dung honok.”

NEHEMIA 10:39

Angkon obanon ni rayat ni Israel dohot angka halak Levi do sumbangan na hot marrumang gandum, anggur dohot miak zetun tu angka kamar simpanan ni angka panjamaan ni Bagas Ni Tuhan. Disi muse do inganan ni angka malim na topet markarejo, angka panjago horbangan ni Bagas Ni Tuhan dohot angka parende. Nada lalap hami laho manghobasi Bagas Ni Tuhannami.

PODA 24:5

Marsahalaan do halak na bisuk ulang pado halak na gogo; umporlu do parbinotoan sian gogo.

JOB 28:10

Di na mambaen liang di bagasan dolok batu, dapot ia ma batu na mararga situtu.

PODA 8:18

Rade do di au hakayoan dohot hasangapan; bope sinadongan na hot dohot hatigoran.