PODA 23:4 - BIBEL JAMITA NA DENGGAN

⁴ Ulang nihalojahon laho makayo, tinggalkon ma hagiotmi.

PODA 23:4 Referans Kwoze

IBRANI 13:5

Ulang dirajai hepeng ngolumunu, tapi hasonangkon hamu ma intap ni na adong di hamu. Angke madung didok Debata, “Nada padiaronKu ho jana nada tadingkononKu ho.”

PODA 28:20

Halak na tigor, pasupasuon, tapi halak na mopop kayo, nada malua sian uhuman.

MATEUS 6:19

“Ulang ma palagut arta hamu di portibi on. Harana anggo di portibi on adong do ngitngit dohot harat na manyegohon arta i. Dung i muse tarbungkar jana tartangko panangko do i.

PODA 3:5

Haporsayai ma Tuhan sian sude rohamu, jana ulang pangasahon pangartianmu sandiri.

JOHANNES 6:27

Ulang pola marloja-loja hamu markarejo hara ni sipanganon na ra abis dohot na ra busuk. Markarejo ma hamu, anso dapot hamu sipanganon na so ra busuk jana na mangalehen hangoluan na so mantak. Lehenon ni Anak Ni Jolma i do di hamu panganon i; angke madung dilehen Damang, i ma Debata, kuaso i diSia.”

SURAT NI SI PAULUS TU PARLAGUTAN ROM 12:16

Saroha ma hamu sama hamu, ulang jalahi hagodangan, tapi patoruk ma rohamunu tu haserepon, ulang ma etong hamu na pistar do hamu.

PODA 15:27

Ro ma hasusaan tu keluarga ni halak na mambaen korupsi, tapi mangolu do sanga ise na margoyak ni roha di hepeng suap.

PODA 26:12

Dao dope dumenggan halak na oto ulang pado jolma na mangetong dirina malo.

JESAYA 5:21

Marjaya ma halahi hara ni na diambang dirina na bisuk jana na lobi pistar.

PODA 3:7

Ulang etong dirimu na ummalo sian satutuna; oloi ma Tuhan, jana pasimbil ma hajahatan.

SURAT NI SI PAULUS TU PARLAGUTAN ROM 11:25

Hara ni i ale angka dongan, ulang ma didok rohamunu na dung pistar hamu, giotku nian botoonmunu ma hasimoon on. Madung songgop hatangkangon tu bangso Israel, lopus gok masuk bilangan ni angka bangso na asing.

MARKUS 4:19

tapi disegohon pangkilalaan na humolos ma taringot tu ngolu ni halahi. Sai giot maradong. Marragam ma hagiot na mangganggui roha ni halahi. Gabe mate ma hata i na sian Debata, inda marguna be di roha ni halahi.

JOB 27:19

Dipapodom-podom ia dirina songon halak na kayo, hape nada be tarulahisa, di na ngot ia sian podomanna, mamago hape limpot sinadonganna.

PODA 27:24

dibaen nada hot sinadongan. Salang bangso pe nada martahan salolot-lolotna.

PARJAMITA 5:13

Huida do di tano on sada pangalaho siarsakkonon: Sada halak na palagut arta tu hamamasa ni hamagoan.

JEREMIA 9:22

Marampar angka bangke niida songon rompak di tano parragena; songon bona ni gandum na tading jana na so dipalagut be. I ma tona ni Tuhan na angkon baritahononku.”