PODA 23:3 - BIBEL JAMITA NA DENGGAN

³ Ulang ho mangapian di sipanganon na tabo i, angke bisa do i manipu.

PODA 23:3 Referans Kwoze

PODA 23:6

Ulang mangan iba dohot jolma na holit. Ulang muse por roha di sipanganonnia hara ni tabona.

MASMUR 141:4

Padao ma au sian hagiot mambaen na jahat dohot sian pangalaho na so jadi. Ulang paloas au mardongan dohot halak na so ture jana dohot mangan di pesta ni halahi pe.

LUKAS 21:34

“Jagohon hamu ma dirimunu, ulang jabat lalap-lalap marpestai jana minum-minum mabuk, sanga pe lalap mamikirkon angka na mardomu tu hangoluan, gabe inda hobas hamu di na tompu bincar ari i.

DANIEL 1:8

Tapi tongtong do dijago si Daniel dirinia anso ulang ramun hara ni sipanganon dohot anggur na somal diinum raja i, dipangido ia ma tu pamimpin pegawe ni bagas godang i anso ulang diramuni ia.

EPESUS 4:22

Ambungkon hamu ma bakomunu na honok i, na mur sego dibaen angka hagiotna na mangaliluhon i.

DANIEL 1:5

Laing ditontuhon raja i muse do, angkon sarupa sipanganon dohot anggur siinumon di halahi dohot na dilehen di angka isi ni bagas ni raja i. Dung marsiajar halahi tolu taon honokna, angkon ro ma halahi manopot raja i.