PODA 21:6 - BIBEL JAMITA NA DENGGAN

⁶ Sinadongan na dapot sian na so jujur maradu tibu do i mago jana i ma maroban halakna i tu kubur.

PODA 21:6 Referans Kwoze

PODA 13:11

Momo do abis arta na ompot harorona, tapi mur tu kayona do na palagutkon sasaotik.

PODA 10:2

Sinadongan na dapot sian hageduhan nada mangalehen hauntungan; tapi hatigoran bisa do paluahon halak sian hamatean.

PODA 20:21

Mur mura halak dapotan sinadongan mur so denggan do panginonaanna.

JEREMIA 17:11

Tudos tu unggas na mamodomi na so pirana; songon i ma halak na geduk maruli arta. Di na satonga umur tobangna agoan ma ia sude artania. Di ujung ni ngoluna tanda ma na santak do, otonia.

PODA 8:36

Sanga ise na so mandapot au, mangarugii dirina sandiri, halak na manghasogohon au, hamatean do dihaholongi.”

PODA 30:8

Ulang jabat hupardokkoni angka hata gabus, jana ulang padiar au marpogos sanga makayo. Hum na huhaporluhon pe lehen di au.

PODA 22:8

Halak na manyuan na so tigor, sabionna ma hamagoan, ujungna mago muse ma kuasona.

2 PETRUS 2:3

Hara ni na ahut tu dirina, caritohonon ni angka guru pargabus i ma tu hamu angka carito na nibaen ni halahi sandiri anso dapotan untung halahi sian hamu. Tapi anggo panguhuman laho manguhum halahi madung tibu dipasingkop jana hamagoan na dung ditontuhon pe tu halahi madung paintehon tu halahi.

PODA 20:14

Sai na humolos do panobusi salaho tu arga ni sitobusan. Tapi dung ditobusi, sonang rohania di arga na dapotnia.

TITUS 1:11

Angkon dijait do giotna pamangan ni jolma sisongon i, harana madung bahat angka bagas ni halak na gabe gaor sudena hara ni angka pangajaran na so patut na nibaen ni halahi. Na manjalahi untung na so patut do antong halahi di karejona i!

JEHESKIEL 18:31

Antak hamu ma sude hajahatan na nibaenmunu jana paimbaru hamu ma roha dohot pikiranmunu. Biasi angkon gumonan hamu mate?