PODA 2:9 - BIBEL JAMITA NA DENGGAN

⁹ Muda dioloi ho do au, ale anakku, botoonmu ma sanga aha na tigor, na jujur dohot na denggan. Laing botoonmu muse ma sanga na songon dia ho patut mangolu.

PODA 2:9 Referans Kwoze

JEREMIA 6:16

Didok Tuhan ma tu bangsoNia, “Jongjong ma hamu di angka sirpang ni dalan, jana tangkas pamanat hamu! Sapai hamu ma angka dalan narobi, jana dia na dumenggan sian i. Ihutkon hamu ma dalan i, anso sonang hamu di ngolu on.” Hape didok halahi do, “Nada ra hami mangihutkon dalan i!”

JESAYA 48:17

Songon on ma pandokkon ni Tuhan, Partobusmu, Na Sun Badia, Debata ni Israel: “Au do Tuhan, Debatamu, na mangajari ho salaho tu na mangkorhon na denggan, na mangaramoti ho di dalan na angkon bolusonmu.

JOHANNES 14:6

Ninna Jesus ma mangalusi, “Au do dalan i dohot hasintongan dohot hangoluan. Nada adong na tarbaen ro tu Ama i anggo so markite-hite Au.

MASMUR 119:99

Marrohaan do au ulang pado angka gurungku, angke hupasari-sari do angka parentaMu.

MASMUR 32:8

Didok Tuhan, “Hupatuduhon pe dalan sibolusonmu. Hutogu pe ho jana Hupaingot.

JESAYA 35:8

Gabe adong ma disi dalan godang, goarna “Dalan na tu hangoluan.” Nada boluson ni pardosa sian i, na bodo nada ihutkononna sian i.

MASMUR 119:105

HataMi do sulu-sulu di langkangku, jana sinondang na manorangi dalanku.

PODA 4:18

Songon parbincar ni mataniari do anggo dalan na nibolus ni halak na denggan; mur lolot mur torang, jana ujungna ari pe gabe torang sajo.

PODA 8:20

Dalan hajujuron do na huihutkon, di dalan hatigoran do na hulangkahon.

PODA 28:5

Nada diastui halak na so hasaya hatigoran, tangkas sajo do i diastui halak na manyomba Tuhan.

MASMUR 25:12

Diajarkon Tuhan do tu halak na unduk roha, dalan na giot bolusonna.

PODA 4:12

Muda marbisuk ho mangolu, nada jabat ho tarambat di hatiha mardalan, jana nada jabat tartuktuk di na marlojong.