PODA 2:8 - BIBEL JAMITA NA DENGGAN

⁸ Dijagohon Tuhan do angka halak na manghaholongi Ia jana dijagohon Ia do halak na tigor pambaenanna.

PODA 2:8 Referans Kwoze

MASMUR 23:3

Dilehen Ia di au gogo na imbaru, jana ditogu Ia do au di dalan na tigor hombar tu na nijanjihonNia.

1 SAMUEL 2:9

Halak na tigor do na sai sonang di bagasan pangaramotion ni Tuhan. Tapi anggo na jahat sai na sarsar do i mago di bagasan hagolapan na marimpot-impot. Gogona sandiri so tarpangasahon, so tarlehen gogo ni jolma hamonangan.

MASMUR 145:20

Dilinggomi Ia do ganop halak na manghaholongi Ia, tapi anggo parjahat dipusa Ia.

JUDAS 1:24

Debata do na margogo manjagohon hamu, anso ulang tinggang, jana na pajongjongkon hamu di adopan ni hasangapanNia di bagasan jop ni roha, jana nada martihas.

MASMUR 66:9

Dijagohon Ia do hami anso tongtong mangolu, jana nada dipadiar Ia hami dabu.

1 PETRUS 1:5

Di hamu do i sudena, hara ni na dung porsaya hamu tu Debata. Gabe dijago kuaso ni Debata ma hamu anso dohot hamu manjagit haluaan na dung singkop giot pabotohonon di hatiha parpudi.

PODA 8:20

Dalan hajujuron do na huihutkon, di dalan hatigoran do na hulangkahon.

MASMUR 37:28

Dibaen holong do roha ni Tuhan mida hatigoran; nada padiaronNa bangsoNa i marhancit. Sai hot do disarihon Ia halak na nihaholonganNia, hape anggo pomparan ni parjahat paorotonNia.

MASMUR 1:6

Ditogu-togu Tuhan do anggo halak pangoloi, tapi anggo halak na jahat muli-muli tu hamagoan do i.

PANGARATAION 33:3

Dihaholongi Tuhan do bangsoNa dijagohon Ia do nampunaNia. Manungkap ma hita di jolo ni patNia mangoloi angka parentaNa.

JESAYA 35:9

Nada ra adong singa disi, panyoro pe nada dalananna i. Angka halak na nipalua mamolus laho mulak sian dalan i.

MASMUR 37:31

Momos do di bagasan rohania aturan na sian Debatana, nada manyimbil sian i ia.

MASMUR 97:10

O hamu angka na manghaholongi Tuhan, hagigihon hamu ma hajahatan. Dibaen diondihon Tuhan do ngolu ni bangsoNa, dipalua Ia halahi sian kuaso ni halak na so hasaya.