PODA 2:6 - BIBEL JAMITA NA DENGGAN

⁶ Tuhan do na mangalehen habisuhon; sian Ia do dapot jolma parbinotoan dohot pangastuion.

PODA 2:6 Referans Kwoze

JAKOBUS 1:5

Muda adong sanga ise sian hamu na hurang marroha, dipangido ia ma habisuhon sian Debata, gabe lehenon ni Debata ma disia habisuhon. Angke tu ganop halak do Debata mangalehen jana mardongan ibo ni roha.

MASMUR 119:98

Umbisuk do au sian angka musungku angke sai huingot do parentaMu.

JOB 32:8

Tapi anggo na mangalehen bisuk tu jolma, hum Tondi Ni Debata Na Markuaso i do da.

LUKAS 21:15

Au sandiri do mangalehen angka hata sidokkononmu dohot habisuhon, lopus nada tarbaen sahalak pe sian angka musumunu i mangalo dohot mangalusi sanga aha na nidokmunu i.

JESAYA 54:13

Au sandiri mangajari angka anakmu, anso mangolu sonang nian boti makmur.

JOHANNES 6:45

Tarsurat do di buku ni angka panurirang songon on: Ajaran ni Debata ma sudena halak. Jadi sudena halak na manangihon Debata jana na marsiajar sian Ia, angka halahi ma na ro tu Au.

1 RAJA-RAJA 3:12

gabe oloanKu ma pangidoanmi. BaenonKu ma ho gabe halak na umbisuk, jana na umbahat pangastuion sian sude halak na dung jungada mangolu sanga halak na giot mangolu dope di portibi on.

JAKOBUS 1:17

Ganop silehen-lehen na denggan jana na sanggam sian banua ginjang i do ro; na nipaijur ni Debata na manompa sasudena na torang di langit i do sudena i. Ia do Debata na so muba-uba, jana nada mandao muse Ia sian hita, gabe adong do tading halinuNa humaliang hita.

MASMUR 119:104

Angka parentaMu do mangalehen di au parbinotoan, gabe huhagigihon sandok na margoar hajahatan.

DANIEL 2:23

Ale Debata na nisomba ni daompung, hupuji jana hupasangap Ho. Dibaen dilehen Ho di au bisuk dohot gogo. Madung ditangihon Ho pangidoannami. Jana dipatuduhon Ho do alus tu raja i.”

DANIEL 1:17

Dilehen Debata ma tu doli-doli na opat i bisuk dohot hamaloon di parbinotoan taringot tu hata dohot ragam ni angka surat. Tambani i dilehen Ia muse do tu si Daniel hamaloon laho patorang parnidaan dohot nipi.

JESAYA 8:20

Songon on ma dok alusna, “Tangihon ma ajaran ni Tuhan! Ulang patangi-tangi datu. Nada adong guna ni na nidok ni halahi di ho.”

1 RAJA-RAJA 4:29

Dilehen Debata do di si Salomo bisuk dohot parbinotoan na sumurung dohot pangastuion na bagas situtu.

DANIEL 2:21

Ia do na manontuhon musim dohot hatiha, dibalikkon Ia do parkuaso jana dipajongjong Ia. Laing Ia muse do na mangalehen habisuhon, jana na mambasa-basahon parbinotoan.

PODA 6:23

Angke songon palito do poda i; jana dalan hangoluan sipaingotna.

MASMUR 19:7

Sanggam do Tona Ni Tuhan, pasonang rohaniba. Haposan do parenta ni Tuhan, mambaen marbisuk halak na lidang.

1 RAJA-RAJA 3:9

Hara ni i ale Tuhan, lehen ma di au habisuhon na porlu di au laho mamarenta bangsoMon di bagasan hatigoran jana anso tangkas di au paasingkon dia na denggan, jana dia na jat. Muda nada songon i, songon dia ma tarbaen au mamarenta bangsoMu na godang on?”

HARURUAR 31:3

jana Hugohi ia dohot Tondi Ni Debata. Madung Hulehen disia pangastuion, hamaloan dohot hagogoan domu tu sandok ragam ni hamaloan, hajegesan:

1 JUJUR TAON 22:12

Jana sai ibo nian roha ni Tuhan Debatami laho mangalehen habisuhon dohot roha di ho anso tarrajai ho Israel hombar tu angka aturanna.

NEHEMIA 7:5

Jadi diparrohai Debata ma au laho palagutkon rayat i dohot angka pamimpin maradu hatobangonna anso bolas etongonku halahi hombar tu buku tarombo ni halahi be. Na dung jolo dapot au do di hatiha i suratna taringot tu angka halak na parjolo mulak sian habuangan. Songon on ma hatorangan na dapot au sian catatan i:

JOB 22:22

Jagit ma na niajarkon ni Tuhan tu ho; simpan ma i sude di bagasan rohamu.

MASMUR 51:6

Haiason dohot habulusan ni roha do dipangido Ho, gohi ma rohangku dohot habisuhonMu.

PARJAMITA 2:26

Debata do na mangalehen habisuhon, parbinotoan dohot hamogaan tu jolma na pasonangkon rohaNia. Tapi anggo halak pardosa disuru Ia do karejo manjalahi bohal dohot palagutkon suhana di halak na pasonangkon roha ni Debata. Jadi, sudena i magopo do songon karejo na manangkup angin.

1 RAJA-RAJA 10:24

Sai por do roha ni halak sian sandok bangso laho ro manangihon angka poda habisuhon na nilehen ni Debata tusia,

ESRA 7:25

Ale Esra, pake ma habisuhon na nilehen ni Debata tu ho, jana angkat ma angka pamimpin dohot angka panguhum laho mamarenta sude halak na di propinsi Efrat Hasundutan na mangihutkon Uhum Ni Debatamu di ngoluna. Sai ajarkon ma antong Uhum i tu sude halak na so umbotosa dope.

JOB 12:16

Na gogo do Debata, tahan jana na godang! HatobanNia do angka na lilu dohot na paliluhon.

MASMUR 19:8

Tumbuk do paraturan ni Tuhan i, pasonangkon roha ni sipangoloi. Polin do na niputuskon ni Tuhan i, mambaen jolma i mangastui.

MASMUR 94:10

Ia do mangajari angka bangso, patut ma he nada manguhumi Ia? Ia do guru ni sandok jolma, patut ma he nada marparbinotoan Ia?

MASMUR 119:34

Baen ma au mangarti di TonaMi, anso huoloi, jana hudalankon sian sandok rohangku.