PODA 2:22 - BIBEL JAMITA NA DENGGAN

²² Tapi anggo halak na jahat dohot parjehe paruaron do sian luat on, songon duhut na niumpat sian tano.

PODA 2:22 Referans Kwoze

MASMUR 52:5

Tapi roncohonon ni Debata do ho muse salolot-lolotna; sian bagasmu ho tangkupon jana saratonNia, jana tu inganan ni na mate ma ho paimbaronNa.

MASMUR 37:28

Dibaen holong do roha ni Tuhan mida hatigoran; nada padiaronNa bangsoNa i marhancit. Sai hot do disarihon Ia halak na nihaholonganNia, hape anggo pomparan ni parjahat paorotonNia.

PANGARATAION 7:22

PaorotonNa muli-muli abis angka bangso i di jolo ni matamunu. Nada tarbaen hamu mamusa halahi anggo sanoli mangabisi, anso ulang martamba bahat ni binatang panyoro na gabe parmaraan na mangondam tu hamu.

PODA 10:30

Halak na ias marroha mangolu aman; halak na jahat usiron do sian tano pusakona.

MASMUR 145:20

Dilinggomi Ia do ganop halak na manghaholongi Ia, tapi anggo parjahat dipusa Ia.

MASMUR 104:35

Padiar ma mago anggo pardosa sian tano on, padiar ma parjahat i abis dipusai. Puji ma Tuhan, ale tondingku! Puji ma Tuhan!

JOB 21:30

Pandok ni halahi, ‘Di ari pandabu ni Debata di uhuman i, angka parjahat paluaon ma disi.’

MASMUR 37:22

Sanga ise na nipasupasu ni Tuhan, i do na dapotan tano, hape anggo halak na niburaanNia, usiron do i kehe.

MASMUR 37:20

Hape na giot harom do anggo parjahat, mago boti ma halahi songon timus. Marmagoan ma angka musu ni Tuhan songon bunga na di padang-padang.

PANGARATAION 29:28

Ma pola marsijongjong rimas ni Tuhan maradopkon bangsoNia i, jana di bagasan rimasNia na jorbut i, diumpat Ia ma bangso Israel sian tano ni halahi i lalu diambungkon halahi tu tano sileban, jana disi ma halahi saonnari maringanan.’

PODA 11:3

Halak na denggan ditogu hajujuronna; halak na sai margabus, dilantuk gabusna.

PANGARATAION 29:20

Nada ra Tuhan mangampuni jolma na songon i. Tapi rimas ni Tuhan na marpiar-piar do manutung halakna i jana ampe ma sude parmaraan na tarsurat di bagasan buku on tusia, lopus abis ia baenon ni Tuhan.

1 RAJA-RAJA 14:14

Lehenon ma sada raja di Israel na laho paujungkon parjuguk ni pomparan ni si Jerobeam songon raja.

1 JUJUR TAON 10:13

Marujung do ngolu ni si Saul hara ni na so setia ia tu Tuhan. Nada mangido panogu-noguon ia sian Tuhan, tapi sian angka tondi ni na mate do. Dilanggar ia do angka na niparentahon ni Tuhan. Jadi hara ni i ma umbaen na niuhum ni Tuhan ia jana dipasahat ma harajaannia i tu si Daud anak ni si Isai.

MASMUR 52:7

“Indi ma da halakna na so marpangondian tu Debata, tapi na sai mangasahon sinadonganna dohot hajahatanna.”