PODA 19:23 - BIBEL JAMITA NA DENGGAN

²³ Biar mida Tuhan parohon hangoluan, jadi marbongin ma jolma di bagasan jop ni roha, nada ditinggang parhancitan.

PODA 19:23 Referans Kwoze

MATEUS 5:6

Martua ma angka na male dohot na manguas mida hatigoran, angke na giot pabutongon do halahi muse.

PODA 12:21

Nada masa jaya tu halak partigor, tapi marjaya do halak parjahat.

MASMUR 90:14

Duruskon ma holong ni rohaMu tu hami ganop manyogot, anso marjop ni roha hami jana marende salolot hami mangolu.

1 TIMOTEUS 4:8

Pangoromon ni pamatang, saotik do guna ni i, tapi anggo latihan ni roha, i ma na marguna tu sude pangalaho, angke dijamin i do ngolunta di tano on lopus tu ari parpudi.

PODA 10:27

Pasangap ma Tuhan, anso lolot ho mangolu; anggo halak na jahat mate do painte so dapot hatihana.

MASMUR 103:17

Tapi laing holong do roha ni Tuhan mida na sai porsaya, marsundut-sundut do mardalan hadenggananNa,

MASMUR 85:9

Tutu ma da, na maringanan Debata na godang di tanonta, jana madung hobas paluahon halak na burju marugamo.

SURAT NI SI PAULUS TU PARLAGUTAN ROM 8:28

Taboto do, Debata do na mangatur sasudena, anso gabe manjalak tu dengganna di angka halak na mangkaholongi Ia jana na nipiohonNia hombar tu sangkapNia.

MALEAKI 4:2

Tapi anggo tu hamu angka na mangkabiari Au, songon mataniari bincar do kuasongKu na paluahon dohot padumpangkon hamamalum di hamu. Malua do hamu jana marjop ni roha songon anak ni lombu na baru dipalua sian barana.

MASMUR 91:16

PapuasonKu ma ia dohot umur na ginjang, jana patuduhononKu tusia haluaan na sian Au.

MASMUR 25:13

Sai na mardame do ngoluna, tano pusako teanon ni anak maradu pahompuna.

2 TIMOTEUS 4:18

Sai paluaon ni Tuhan Jesus do au tongtong sian sude usaho na jat maradopkon au. BoanonNia do au lopus tu bagasan HarajaanNia di banua ginjang. Sipasangapon do Ia salolot-lolotna! Amen.

MASMUR 19:9

Dumenggan ma na marsomba tu Tuhan, jana tongtong ma i nikarejoan. Haposan do Tona Ni Tuhan jana salolotna do marhatigoran.

BAENON NI ANGKA RASUL 9:31

Jadi sonang ma angka parlagutan na di Judea, na di Galilea dohot na di Samaria. Boti hara ni pangurupi ni Tondi Parbadia gabe mur martamba ma angka parlagutan i, angke sai mabiar do halahi tu Tuhan di ngolu ni halahi.

MASMUR 91:10

Gabe nada hona bala be ho, bagasmu nada boluson ni tilako.

PODA 11:19

Sanga ise na burju mambaen na denggan, marhangoluan, sanga ise na manggogo mambaen na jahat, kehe tu hamatean.

PODA 19:22

Tabiat na nipangido sian sada-sada halak, i ma hasetiaanna. Gumonanan do na pogos ulang pado pargabus.

PODA 3:24

Jadi nada marbiar ni roha be ho modom, jana sinok ma ho modom sasaborngin.

PODA 22:4

Halak na burju mangoloi Tuhan jana patoruk rohana, gabe martua, sangap jana sonang ngoluna.