PODA 19:21 - BIBEL JAMITA NA DENGGAN

²¹ Tarbaen jolma do patupa sangkap, tapi hum maksud ni Tuhan do na tarlaksana.

PODA 19:21 Referans Kwoze

PODA 16:9

Bolas do jolma mambaen sangkap, tapi Tuhan do na patuluskon langkana.

JESAYA 14:24

Marsumpa ma Tuhan Na Markuaso i: “Angkon tulus do sude na dung Husangkapkon i.

PODA 16:1

Jolma mambaen rancangan, Debata do na mangalehen haputusan.

JESAYA 46:10

Sian mulana madung Hupajojor, sian najolo Hubaen alatan tu na giot ro. Hudok do, “Nada tarambati anggo sangkapKu, pasti tulus hagiotKu.

PODA 21:30

Muda Tuhan mangalo ho nada adong tarbaen manolong; magopo do hapistaran, sinaloan dohot habisuhon.

EPESUS 1:11

Debata do mangkarejohon sasudena hombar tu hagiotNia dohot haputusanNia sandiri. Sian mula ni mulana madung ditodo Ia hian hita hara ni por ni rohaNia anso markite-hite Kristus gabe halakNia hita,

JOB 23:13

Nada muba-uba anggo Debata; nada adong tarbaen mangalo Ia. Dipatulus Ia do sanga aha giot ni rohaNia.

PODA 21:1

Diatur Tuhan do pardalan ni batang aek marguru tu hagiotNa, songon i muse do diatur Ia pikiran ni raja.

PARJAMITA 7:29

Hum on ma na dapot au: Nada marlobian jana songon somalna do hita dijadihon Debata. Tapi hita saonnari do na mambaen hita rundut jana maralit-alit.

DANIEL 4:35

Nada adong astuan ni bangso na di portibi on. Dirajai Debata do surusuruan na di banua ginjang dohot jolma na di tano on. Sahalak pe nada adong tarbaen mangalo hagiotNia, nada adong na puluk manyapai sanga aha na nibaenNia.

MASMUR 21:11

Dibaen halahi tahi mangalo raja, tapi sangkap ni halahi na jahat i nada marguna.

1 PETRUS 2:8

Tartuktuk pe halahi, hara ni na so dioloi halahi do hata ni Debata. Songon i ma panontuhon ni Debata taringot tu halahi.

PAMUNGKAAN 50:20

Haru pe na dung satahi hian hamu laho mambaen na jat tu au, hape diuba Debata do hajahatan i gabe tu hadengganan, anso marhaluaan bahat halak na mangolu saonnari markite-hite pangalaho na masa na salpu i.

PODA 12:2

Dihajopkon Tuhan do halak na burju, tapi diburai Ia do halak na paoto-otohon.

JUDAS 1:4

Angke madung adong masuk tu tonga-tonganta sian angka halak na so porsaya so sian pamotoanta. Dipabalik-balik halahi do jamita taringot tu asi ni roha ni Tuhanta i, anso tarbaen halahi patuluskon angka parange ni halahi na so ture. Jana na so ra do halahi mangoku paboa Jesus Kristus do Parkuaso dohot Tuhanta na sasada i. Mamungka sian nahinan madung dipaboa hian di Buku Na Badia i uhuman na tu halahi.

ESTER 9:25

Tapi kehe si Ester mangadop tu raja, jana dilehen raja i parenta na tarsurat, patunda ni i ma umbaen na madabu tu si Haman sangkapnia sandiri na jahat i, gabe lopus hona gantung ia dohot angka dakdanaknia di tiang gantungan.

MASMUR 83:4

Didok halahi, “Tole ma tapatimpas bangso Israel, anso ulang sai dipaingot-ingot be halahi.”

PODA 19:22

Tabiat na nipangido sian sada-sada halak, i ma hasetiaanna. Gumonanan do na pogos ulang pado pargabus.

JEREMIA 44:29

ParoonKu ma jaya tu hamu di inganan on laho patandahon tu hamu paboa na tutu situtu do tarjadi uhuman na dung Husangkaphon tu hamu.

2 SAMUEL 17:14

Umbege i didok si Absalom dohot halak Israel i ma sude, “Dumenggan do na nidok ni si Husai on sian sipaingot ni si Ahitofel i.” Tutu ma antong na dung diputuskon Tuhan laho manyundati sipaingot ni si Ahitofel na denggan i, anso marmara si Absalom.

JEHESKIEL 20:32

Giotmunu nian tudos ma hamu dohot angka bangso na asing i dohot tu halak na maringanan di tano sileban na manyomba hayu dohot batu. Tapi nada lalu anggo giot ni rohamunu.’ ”