PODA 18:21 - BIBEL JAMITA NA DENGGAN

²¹ Mangolu sanga mate dirajai dila, barang ise na ra maningtingkonsa, angkon mangankon parbatuna.

PODA 18:21 Referans Kwoze

EPESUS 4:29

Muda mandok hata hamu, ulang ma pake hamu angka hata na so ture. Angka pandohan na manogu dohot na mangurupi tu dongan na asing ma pake hamu. Angka pandohan na songon i do na padenggankon tu angka dongan na umbegesa.

KOLOSSE 4:6

Sanga aha pe na nidokmunu sai na tabo begeon ma, jana sai hata na mardai ma dokkon hamu. Malo ma hamu sanga tarsongon dia sadengganna mangalusi angka sapa-sapa ni halak.

PODA 10:31

Halak na bulus marroha pajojorkon hata na bisuk; halak na jahat, hona gotap do dilana.

PODA 12:13

Halak na jahat tarjorat baenon ni hatana, halak na denggan malua sian na susa.

JESAYA 57:19

BaenonKu ma puji-pujian. Dame, hadameon ma di halak na dao dohot na donok. Didok Tuhan pamalumonKu do ia!

PODA 11:30

Halak na daulat tarjamin do ngoluna; jolma na bisuk martamba do parkarejona.

2 PETRUS 2:18

Sian angka pangkobarion ni halahi na mardongan lancap jana na rumar i dipake halahi ma hagiot na jat laho mangaronjomkon halak sanga ise na baru malua sian angka na mardalan dihaliluon di ngoluna.

2 KORINTUS 11:15

Jadi nada pola homang be roha muda dipasuman-suman angka pangoloi ni Sibolis i songon angka pangoloi na mambaen hatigoran. Anggo ujungna jagiton ni halahi do na hombar tu sude pangalaho ni halahi.

2 KORINTUS 2:16

Anggo di halak na giot kehe tu hamagoan, sarupa tu uap ni bangke na mamatehon do hami; tapi anggo di angka na nipalua, songon uap na maroban tu hangoluan do hami. Antong, ise ma na tama tu karejo on?

PODA 21:23

Laho pasiding hasusaan, patut do jamot di pandohanna.

JESAYA 3:10

Dokkon ma martua halak na tigor! Harana panganan ni halahi ma suha ni parkarejoanna.

HOSEA 10:13

Hape suhar-suhar ni i do dipambaeni ho; same hajahatan do disabur ho, jana sabionmu ma hageduhan. Madung dipapangani ho angka parbatu ni gabusmu.” Didok Tuhan muse dope, “Ale bangso Israel, dibaen dipangasahon ho do angka kareta porangmi dohot bahat ni angka tentarami,

MASMUR 12:5

Didok Tuhan, “Halak na dangol sai diparkanciti, halak na oto humolos hara ni na hancit i. Ro Au laho mangalehen tu halahi hasonangan na dihalungunkonna i.”