PODA 18:16 - BIBEL JAMITA NA DENGGAN

¹⁶ Muda mangadop iba tu sahalak na sangap, obanon do silehen-lehen anso momo pasuo.

PODA 18:16 Referans Kwoze

PODA 19:6

Bahat do halak mambuat roha ni na sangap, jana ganup do halak mardongan dohot na basa.

PAMUNGKAAN 43:11

Jadi didok amang ni halahi i ma, “Muda na angkon songon i ma jadina, antong oban hamu ma suha na dumenggan sian luat on di bagasan harungmunu i baen silua di gubernur i; baen hamu ma miak na huskus saotik, aer ni loba saotik, parmasak, lajo dohot batu ni barangan.

PODA 17:8

Adong do na mangetong tarbaen hepeng sogok halongangan; marhite hepeng sogok sasudena tarbaensa.

1 SAMUEL 25:27

Dijagit tuan i ma silua na huoban on di tuan i, jana dibagihon tuan i ma on, di parangan ni tuan i.

PAMUNGKAAN 33:10

Ning si Jakob ma, “Ulang ale angkang! Muda hupajop rohamu, jagit ma da antong somba-sombangkon. Anggo di au, hum marnida bohimu madung songon na mida bohi ni Debata, hara ni denggan ni rohamu mida au.

PODA 21:14

Laho paombun muruk dohot rimas, lehen ma silua di sihabunian.

1 SAMUEL 16:20

Dung i dibuat si Isai ma halode, dibobani ia ma i dohot sada anak ni hambeng, roti dohot kantongan kulit na gok anggur. Dilehen ia ma i sude tu si Daud anso dipasahat tu si Saul.

PODA 18:17

Hata na parjolo di sidang pangadilan sai na martarimo do i, lopus mambaen sapa-sapa tusia alona i.

2 RAJA-RAJA 5:5

Jadi didok raja i ma, “Denggan, kehe ma ho manopot raja ni Israel. Hubaen pe surat tusia.” Jadi kehe ma si Naaman, dioban ia ma tolu pulu ribu hepeng perak, onom ribu hepeng sere, dohot pakean na jeges-jeges sampulu pasang.