PODA 16:8 - BIBEL JAMITA NA DENGGAN

⁸ Gumonan do marpandapotan otik mardongan hajujuron, ulang pado marpandapotan bahat mardongan panipuon.

PODA 16:8 Referans Kwoze

PODA 15:16

Gumonan do na miskin tapi mabiar tu Tuhan, ulang pado kayo mardongan sak ni roha.

MASMUR 37:16

Haru pe saotik sinadongan ni halak na burju, ummarga dope i sian arta ni jolma na durako.

JEREMIA 17:11

Tudos tu unggas na mamodomi na so pirana; songon i ma halak na geduk maruli arta. Di na satonga umur tobangna agoan ma ia sude artania. Di ujung ni ngoluna tanda ma na santak do, otonia.

MIKA 6:10

Di angka bagas ni halak parjahat, marpungu ma sinadongan na dapot sian dalan na so patut. Dipake halahi do parsuhatan na pargabus, i ma sada parbuatan na sai Huhagigihon.

PODA 16:7

Muda dipasonang ho roha ni Tuhan angka musumu dibaen Ia gabe dongan.

PODA 16:9

Bolas do jolma mambaen sangkap, tapi Tuhan do na patuluskon langkana.

PARJAMITA 4:6

Aropku tutu do i, tapi gumonan do sinadongan na so sadia mardongan hasonangan umpado karejo marsitutu mamake dua tangan jana manangkup angin.

PODA 15:17

Dumengganan do mangan simarata dohot halak na nihaholongan, ulang pado mangan juhut na tabo rap dohot halak goyak ni roha.

PODA 17:1

Dumenggan do marsaulihon sipanganon na so sadia, tapi mardongan hasonangan, ulang pado marpesta di bagas na gok partangkangan.

PODA 28:6

Dumenggan do halak na pogos parroha na bulus umpado halak na kayo na sai tagi margabus.