PODA 16:2 - BIBEL JAMITA NA DENGGAN

² Tigor do sude dalan ni halak di rohania sandiri, tapi Tuhan do manimbangi angka roha.

PODA 16:2 Referans Kwoze

PODA 21:2

Mungkin tigor do sude pambaenanmu di panatapanmu, tapi Tuhan do manimbang maksud ni rohamu.

1 SAMUEL 16:7

Tapi didok Tuhan ma tu si Samuel, “Ulang marguru ho di ginjang ni pamatang dohot di jogi ni rupana; nada i por ni rohangKu. Nada songon parsuhat ni jolma parsuhatKu. Anggo jolma siida rupa do, tapi anggo Au marnida roha do.”

LUKAS 16:15

Tapi didok Jesus ma tu halahi, “Hamu ma angka na mandok di jolo ni halak, sai na tigor hamu. Tapi diboto Debata do isi ni rohamunu. Angke sanga aha na nietong ni roha ni jolma na gincat, i ma na toruk di panatapan ni Debata.

PODA 30:12

Adong do halak na mangetong ias dirina hape nian na santak do hodarna.

JEREMIA 17:10

Au do Tuhan na mandodo roha; Huuji do ate-ate ni jolma. BaloskononKu do tu ganop hombar tu pangalahona; jana Hubaen hombar tu pambaenanna.”

PODA 24:12

Bolas do dokkononmu, “Nada ahana i di au.” Tapi diboto Debata do pikiranmu jana adilanNa do ojahan ni pikiranmu. Dijago Ia do ngolumu jana baloskononNia do di ho marguru tu pambaenanmu.

MASMUR 36:2

Hara ni ginjang ni rohana, diambang ia na so diboto Tuhan dosania jana nada uhumanNa ia.

PODA 5:21

Diida Tuhan do sasude na nibaenmu, dijago Ia do ho sanga na tu dia pe ho kehe.

PODA 16:25

Adong do dalan diambang halak laho tu hangoluan, hapengani dalan laho tu hamatean.

DANIEL 5:27

Tekel; astuanna madung ditimbang raja i jana dapot ma na panayangtu.

JESAYA 26:7

Lidang do dalan ni halak partigor, angke Ho do na mangarintis dalan disia.

HALUMBAAN 2:23

Angka halak na mangihutkon ia pe angkon Hubunu do anso laing torang diboto angka parlagutan i paboa na Au do na tuk mandodo pikiran dohot roha ni jolma. BaloskononKu ma tu hamu marguru tu pambaenanmunu be.

HALUMBAAN 2:18

“Tu surusuruan ni parlagutan na di Tiatira songon on ma suratkon: On ma barita na sian Anak Ni Debata, na marnyala-nyala i mataNa songon api, dohot patNa na margurasa i songon tumbaga na marlinu.

1 SAMUEL 2:3

Antak ma hata-hatamu na rumar i, paujung ma burasmu na teal i! Angke Debata Na Sun Mamboto do Tuhan na manguji sude pambaenan ni jolma.

PODA 12:15

Halak na bodo mangkilala dirina na so unjung lilu, halak na marroha giotna umbege sipaingot.

BILANGAN 22:32

Disapai Surusuruan Ni Tuhan i ma, “Biasi dipukul ho halodemu pola tolu noli? Madung ro Au laho mangolat ho, angke na so tola hian do ho kehe.

HAKIM-HAKIM 7:6

Adong ma tolu ratus halak na jongjong manginum aek sian tanganna; anggo na asing i sude marsinggang do laho minum.

HAKIM-HAKIM 17:6

Di hatiha i nada adong raja ni bangso Israel; marsibaen roha-rohana be do ganop jolma.

PODA 17:3

Sere dohot perak diuji di bagasan api, tapi anggo roha ni jolma Tuhan do manguji.