PODA 15:2 - BIBEL JAMITA NA DENGGAN

² Muda mangkobari halak na marbisuk, ruar ma angka parbinotoannia, tapi muda na bodo mangkobari, ruar ma habodoon sajo.

PODA 15:2 Referans Kwoze

PODA 12:23

Halak na marroha nada pajolo-jolohon na binotona; halak na bodo paboa-boahon haotoonna.

PODA 15:28

Dipikiri halak partigor do alusnia, tapi mopop do na bodo mangalehen alusnia jana mambaen susa do i.

PODA 13:16

Jolo marpikir anso nibaen, i do halak na marroha; halak na bodo paboa-boahon haotoonna.

JESAYA 50:4

Diajari Tuhan Debata do au mandok hata, anso hupargogoi halak na gale. Ganop manyogot disungguli Ia rohangku laho manangihon pangajaranNia tu au.

PODA 16:23

Halak na marroha jolo marpikir anso mandok hata, i do umbaen na umpos roha di hatana.

PODA 15:23

Denggan ma da sude hata na dipajojor topet di hatihana!

MASMUR 59:7

Torus do halahi manjalahi sindir dohot mangalayasi, hata ni halahi maradu tajom songon podang, diambang halahi na so adong na umbegesa.

MASMUR 45:1

Dituturi angka hata na denggan do au; hupatomu-tomu do ende on di raja. Tarsongon pulpen panggurit ni sada panyurat na somal marhata madung singkop dilangku pajojor umpama.

PODA 15:7

Halak na bisuk jana na marroha do pabidang habisuhon, nada halak na bodo jana na so marparbinotoan.

PARJAMITA 5:3

Harana songon nipi na ro hara ni bahat ni halojaan, songon i muse ma hata na oto ro hara ni bahat ni pangkataion.

PARJAMITA 10:14

Tutu do, doras do pangkuling ni halak na oto. Buni do di hita sudena ari na giot ro. Nada adong na malo mangaramal na giot masa dung salpu hita.

PODA 5:2

anso diboto ho marparange na ture jana tarida ma sian hatamu na adong parbinotoanmu.