PODA 14:6 - BIBEL JAMITA NA DENGGAN

⁶ Dijalahi pangincak do habisuhon tapi nada dapot ia, tapi muda halak na pistar momo do marsiajar.

PODA 14:6 Referans Kwoze

JAKOBUS 1:5

Muda adong sanga ise sian hamu na hurang marroha, dipangido ia ma habisuhon sian Debata, gabe lehenon ni Debata ma disia habisuhon. Angke tu ganop halak do Debata mangalehen jana mardongan ibo ni roha.

1 KORINTUS 8:2

Sanga ise na mangetong dirina na dung bahat na binotona, anggo satutuna na so binotonia dope i sabagas-bagasna.

PODA 8:9

Torang do i sudena di halak na cerdas; di halak na marroha sudena i tangkas.

JEREMIA 8:9

Pailaon noma angka halak na pistar di tonga-tongamunu; mago ma roha ni halahi jana tarjorat. Nada ra halahi manangihon sipaingotKu; saonnari hapistaran aha dope na tading di halahi?

JESAYA 8:20

Songon on ma dok alusna, “Tangihon ma ajaran ni Tuhan! Ulang patangi-tangi datu. Nada adong guna ni na nidok ni halahi di ho.”

PODA 26:12

Dao dope dumenggan halak na oto ulang pado jolma na mangetong dirina malo.

PODA 18:2

Halak na oto nada ra nilehen pangastuion; giotnia hum na patuduhon hamaloon.

PODA 17:24

Adop habisuhon do hagiot ni na pistar, tapi rarat do pangaligi ni na oto.

MASMUR 119:18

Ungkap ma matangku anso huida di bagasan TonaMu pangajaran na pahomang roha.

PODA 1:5

Marhite angka poda on, mur martamba do parbinotoan ni halak na bisuk, jana halak na pistar pe gabe dapotan panogu-noguon.

PODA 14:5

Saksi na jujur sai mandok na satutuna; saksi na so haposan, sai margabus do karejona.

PODA 14:7

Pasimbil ma halak na bodo, harana nada adong dapot parbinotoan sian i.

PODA 24:7

Magincattu do bisuk anggo di halak na oto. Nada tardoksa sanga aha muda hatiha manghobari halak taringot tu angka pangalaho na penting.

PODA 8:8

Hombar do tu hatutuan angka na hudokkon, umpe sada na sala sanga pe na paliluhon.

PODA 15:12

Halak na pangincahi nada ra i digorahon sanga didok hata; nada ra i mangido sipaingot sian halak na marroha.

PODA 17:16

Parcuma do halak na bodo pangabis hepeng manjalahi hapistaran, angke nada adong disia pikiran na torang.