PODA 14:12 - BIBEL JAMITA NA DENGGAN

¹² Adong do dalan diambang halak tu hangoluan, hapengani dalan laho tu hamatean.

PODA 14:12 Referans Kwoze

PODA 16:25

Adong do dalan diambang halak laho tu hangoluan, hapengani dalan laho tu hamatean.

PODA 12:15

Halak na bodo mangkilala dirina na so unjung lilu, halak na marroha giotna umbege sipaingot.

GALATIA 6:3

Muda adong na mamikir dirina halak na gabar ia hape nian sisoada do, na manggabusi dirina do ia songon i.

SURAT NI SI PAULUS TU PARLAGUTAN ROM 6:21

Antong, parbatu aha ma na dapot hamu sian i? Sudena i mambaen hamu maila saonnari, angke hamatean do ujung ni i.

LUKAS 13:24

“Angkon usahahononmunu do masuk mamolus sian pintu na sompit. Angke ingot hamu ma! Bahat do halak na marusaho giot masuk mamolus pintu i tapi nada tarbaensa.

PODA 30:12

Adong do halak na mangetong ias dirina hape nian na santak do hodarna.

JAKOBUS 1:22

Patulus hamu ma sanga aha na nidok ni Debata, ulang ma hum na manangihon sajo, angke na paoto-oto dirimunu sandiri do hamu muda songon i.

EPESUS 5:6

Ulang jabat tarpaoto-oto hamu dibaen angka pangkataion na rumar. Angke angka pangalaho na songon on ma mambaen muruk Debata tu angka halak na so ra mangoloi Ia.

1 RAJA-RAJA 12:26

Songon on dipikiri rohania, “Anggo laing na kehe do rayat i tu Jerusalem laho manaruhon haul di Bagas Ni Debata songon na nibaen ni halahi sahonokna on, gabe marpangulahi ma muse roha ni halahi di si Rehabeam raja ni Juda i, jana dibunu halahi au.”

1 RAJA-RAJA 12:28

Dung ditimbangi ia pangalaho i, dibaen ia ma dua patung ni lombu sian sere jana didok ia ma tu rayat i, “Hamu bangso Israel! Tuk ma i na sahonokna on kehe hamu maribadat tu Jerusalem. Saonnari, angka on ma debatamunu na dung maroban hamu ruar sian tano Mesir!”