PODA 13:4 - BIBEL JAMITA NA DENGGAN

⁴ Bahat do por ni roha ni na losok hape umpe sada na dapotsa; halak na padot markarejo dapotsa do sude por ni rohana.

PODA 13:4 Referans Kwoze

PODA 12:24

Maradu gogo karejo mambaen halak markuaso; halosohon mamaksa jolma gabe hatoban.

PODA 12:11

Partani na padot karejo bubung sopona, tapi na oto do halak na pangabis ari-arina di na so marguna.

PODA 10:4

Halak na losok madabu tu hapogoson, marhite hapadoton markarejo dapot hamoraon.

PODA 11:25

Halak na mangalehen pasupasu, mur bahat manjagit pasupasu, halak na sai manolong, laing dapotan tolongan ia.

PODA 28:25

Patubu partongkaran do na ahut tu diri, maruntungan do iba muda Tuhan dihaporsayai.

IBRANI 6:11

Giotnami nian sugari laing ringgas ma hamu, lopus dijagit hamu na niarop ni rohamunu i.

JOHANNES 6:27

Ulang pola marloja-loja hamu markarejo hara ni sipanganon na ra abis dohot na ra busuk. Markarejo ma hamu, anso dapot hamu sipanganon na so ra busuk jana na mangalehen hangoluan na so mantak. Lehenon ni Anak Ni Jolma i do di hamu panganon i; angke madung dilehen Damang, i ma Debata, kuaso i diSia.”

PODA 8:34

Martua ma sanga ise na manangihon au, na juguk ganop ari paintehon di pintu ni bagasku.

JESAYA 58:11

Sai na toguon ni Tuhan do hamu jana angkon pasombuonNa rohamunu di tano na gariang. Sai parata-rataonNa do gogomunu anso tongtong horas torkis hamu. Gabe songon kobun ma hamu na tuk aekna, sanga mualna nada jungada mate.

PODA 26:13

Halak na losok giotna nian tinggal di bagas hara ni alasan: Mabiar disoro babiat di tonga dalan.

MASMUR 92:14

angka hayu na sai tongtong rata jana togu, jana haru pe matobang laing marbatu.

BILANGAN 23:10

Pomparan ni Israel songon abuan, nada taretong, songon i bahatna. O Tuhan, sugari hupaujung ngolungku songon sada halak sian halakMu. Tunduk tu Debata di sude pangalaho; di bagasan hasonangan au mate.”

PODA 6:6

Ale ho na losok, kehe ma ho marsiajar tu porkis; parrohahon ma pambaenanna i.

PODA 12:27

Nada dapotan buruan halak na losok, tapi dapotan arta na arga do na ringgas karejo.

PODA 13:3

Halak na jamot mandok hatana, gabe aman; halak na purpur hatana dondonan ni partinaonan.

PODA 13:5

Halak na jujur nada dihagioti pargabuson, tapi pangalaho ni na jahat hahaila do dohot sigoraon.

PODA 20:4

Partani na losok nada di hatihana mangkarejohon ladangna; ujungna di masa ni na mambuat, nada dapotsa sanga aha suhana.

PODA 21:5

Sangkap na tangkas parohon hadoharon; pambaenan na mopop parohon hahurangan.

PODA 21:25

Adong do por ni roha ni parlosok, hape nada ra karejo, i ma dalanna ia marhancit situtu.

PAMUNGKAAN 26:32

Laing di ari i, ro ma da angka naposo ni si Ishak paboahon tusia taringot tu sumur na nihuar ni halahi. Didok halahi, “Ma dapot hami aek.”

JOSUA 7:3

mulak ma halahi jana paboahon tu si Josua. Didok halahi ma, “Nada pola porlu hita sude kehe mamorangi Ai. Tar dua tu tolu ribu halak pe disuru. Ulang pola sude parangan i disuru tusi laho marporang, harana menek sajo do kota i.”

PODA 24:30

Unjung do mamolus au sian ladang dohot kobun ni halak na losok.

PODA 24:31

Hum duri-duri do dohot ri huida na tubu disi. Handangna i pe ma pola unggal.

ENDE NA GODANG 5:3

Ma pola hubuka pakeanku; biasi dope pakeonku muse? Madung hubasu patku, biasi dope pakotoronku muse?