PODA 13:22 - BIBEL JAMITA NA DENGGAN

²² Halak na denggan pateankon sinadongan tu pomparanna; sinadongan ni pardosa pinda ma i tu halak na burju roha.

PODA 13:22 Referans Kwoze

PARJAMITA 2:26

Debata do na mangalehen habisuhon, parbinotoan dohot hamogaan tu jolma na pasonangkon rohaNia. Tapi anggo halak pardosa disuru Ia do karejo manjalahi bohal dohot palagutkon suhana di halak na pasonangkon roha ni Debata. Jadi, sudena i magopo do songon karejo na manangkup angin.

PODA 28:8

Sanga ise na gabe kayo hara ni na mangan bunga ni singir dohot na mambuat untung sabahat-bahatna, madabu ma sinadonganna tu tangan ni halak na maribo ni roha tu halak na so marnampuna.

MASMUR 37:25

Mamungka sian haposoonku lopus matobang songon on, nada unjung dope huida halak na burju ditadingkon Tuhan, sanga pomparanna gabe pangido-ido sidoka.

MASMUR 112:2

Markuaso ma angka dakdanakna di luat i, dipasupasu ma angka pomparan ni na burju i.

ESRA 9:12

Dilarang angka panurirang i do nian hami marsibuatan boru dohot angka jolma i, sanga pe mangurupi halahi mambaen sonang dohot marsonang. Muda mangoloi hami, hatabohononnami ma tano i jana pateankononnami tu pomparannami salolot-lolotna.

MASMUR 128:6

Sai ginjang ma umurmunu, jana idaonmu angka pahompumu! Hadamean ma sanggop tu Israel!

MASMUR 102:28

Sonang so haribo-riboan ma ngolu ni angka dakdanak ni naposoMon, jana anak dohot pahompu ni halahi sai tongtong adong di adopanMu.

PODA 17:6

Jagar-jagar ni halak na matobang, i ma anak maradu pahompuna; jagar-jagar ni dakdanak, i ma simatobangna.