PODA 13:15 - BIBEL JAMITA NA DENGGAN

¹⁵ Hapistaran mangkorhon hasangapan, tapi muda dalan ni parjehe parohon tilako.

PODA 13:15 Referans Kwoze

PODA 4:19

Sabalikna, anggo dalan ni halak na jahat golap do songon golap ni borngin. Tinggang ma halahi nada dibotosa sanga hara ni aha.

JEREMIA 2:19

Hajahatanmu sandiri do manguhumi dirimu; hona parkancitan ho hara ni na ditulakmu Au. Saonnari taonkon ma paetna dohot paniakna muda dihudukkon jana nada dipasangap ho Au. Au, Tuhan Debatamu madung mandok songon i; Au ma da Tuhan Debata Na Markuaso jana Na Gumogo.”

PODA 3:4

gabe dapotan holong ma ho dohot hasangapan, di bagasan parnidaan ni Debata dohot jolma.

MASMUR 111:10

Biar mida Tuhan, i do mula ni habisukon; sanga ise na mangkarejohonna dapotan parbinotoan. Nipuji ma Ia salolot-lolotna!

SURAT NI SI PAULUS TU PARLAGUTAN ROM 6:21

Antong, parbatu aha ma na dapot hamu sian i? Sudena i mambaen hamu maila saonnari, angke hamatean do ujung ni i.

BAENON NI ANGKA RASUL 7:10

jana na paluahon ia sian sude parkancitannia. Dilehen ma tusia asi ni roha dohot bisuk di na kehe ia mangadop tu jolo ni raja ni Mesir i; diangkat raja i ma ia gabe kapala di tano Mesir, dohot di bagas godang ni raja i.

PODA 15:10

Dokdok do uhuman tu halak na maninggalkon dalan na tutu, jana mate do halak na so tarpaingot.

LUKAS 2:52

Mur honok mur magodang ma Jesus jana mur marbisuk boti jop roha ni Debata dohot jolma diSia.

PODA 14:35

Pagawe na malo dihasonangkon roha ni raja; tapi hona uhumna do na pailahon ia.