PODA 13:13 - BIBEL JAMITA NA DENGGAN

¹³ Sanga ise na manulak poda mananggung resikona, tapi sanga ise na mangoloi parenta, dapotan upa do ia.

PODA 13:13 Referans Kwoze

BILANGAN 15:31

dibaen disangajo ia mangalo Tuhan jana disangajo ia mangalaosi parenta ni Tuhan. Hara ni salania sandiri do umbahen mate ia.

2 JOHANNES 1:8

Hara ni i, jagohon hamu ma anso ulang jabat adong sanga aha na mago sian na hami pasahat i tu hamu. Manat ma hamu anso laing dohot hamu manjagit sudena upamunu i.

2 JUJUR TAON 36:16

Hape diparmayam-mayam halahi do angka utusan ni Debata i, dipartatai halahi angka panurirangNia jana nada ditangihon halahi hatana. Ujungna sun ma muruk ni Tuhan tu halahi jadi gabe nada adong be dalan ruar di halahi.

MASMUR 119:165

Dumpangan hasonangan do halak na manghaholongi TonaMu, nada tarambati sanga aha pe halahi.

JEHESKIEL 20:13

Hape di padang parhorsihan i, dialo halahi muse do Au. Dilaosi halahi do angka tona na sian Au na manjamin mangolu tongtong sanga ise na patuluskonsa. Gabe hodar jana ramun dibaen halahi Ari Sabat i. Hara ni i, di parhorsihan i madung nian hobas Au laho palalu murukKu tu halahi dohot mamusa halahi.

MASMUR 19:11

Dung i muse naposoMi diajari ia, upa na godang tu na mangoloi dipasingkop ia.

JEHESKIEL 20:16

Hubaen pe janji i hara ni na dipasiding ni halahi do angka parentangKu, dilaosi halahi angka tona na sian Au jana ramun dibaen halahi Ari Sabat. Gumonan do di halahi marsomba angka gana-ganaan ni halahi.

JEHESKIEL 20:24

hara ni na dipasiding ni halahi angka parenta na sian Au, dilaosi halahi angka uhumKu, ramun dibaen halahi Ari Sabat, jana laing tontong do halahi marsomba angka debata na nisomba ni ompu ni halahi.

JESAYA 66:2

Nada he tanganKu do mambaen sasudena umbahen masa na songon on? Songon i do pandok ni Tuhan. Tapi tu halak si songon on ma nolnol Au marnida, jolma na tartindas dohot na maheu, na mabiar tu hatangKu.

PODA 13:21

Sai dikojar hasusaan do halak pardosa, halak na denggan sai manjagit hadengganan.

PODA 1:25

Dipasiding hamu do sude sipaingotku jana gora-gorangku ditulak hamu.

MASMUR 115:13

Sude halak na pasangap Ia, na menek sanga na magodang, giot pasupasuonNia.

LUKAS 16:31

Tapi didok si Abraham ma tusia, ‘Muda so diampirkon halahi do si Musa dohot angka panurirang i, indangkon na ra halahi porsaya haru pe adong halak na mate mulak mangolu.’ ”

MALEAKI 3:16

Jadi marsipandohonan ma angka halak na manghabiari Tuhan i na sada tu donganna. Dibege jana diparrohahon Tuhan do sanga aha na nihataan ni halahi i. Disuratkon do angka goar-goar ni na pasangapkon Tuhan dohot na mabiar mida Ia, di bagasan sada buku panyuratan na adong di joloNia.

MATEUS 5:12

Jop ma rohamunu jana marolop-olop ma hamu, angke godang do upamunu di banua ginjang, dibaen laing songon i do diayak-ayak halahi angka panurirang na jumolo sian hamu.”

JEREMIA 43:2

Jadi didok si Asarya anak ni si Hosaya dohot si Johanan anak ni si Kareah na bulbul i ma tu au, “Margabus do ho. Nada disuru Tuhan Debatanami ho mangorai hami anso ulang kehe maringanan tu Mesir.

ESRA 10:3

Tole ma marsumpa hita tu Debata, bahaso na giot paorotonta sude dadaboru i rap dohot angka dakdanak ni halahi i. Ihutkononnami noma sude sipaingotmu dohot angka sipaingot ni angka halak na asing na pasangapkon parenta ni Debata. Oloannami noma Tona Ni Debata.

HARURUAR 9:20

Adong do deba sian angka menteri i na mabiar umbege hata na nidok ni Tuhan i. Dioban halahi ma angka hatoban ni halahi bope pahan-pahanan ni halahi masuk tu bagasan bagas anso tarlaung.

PODA 13:12

Pahancitkon roha do arop ni roha na sundat, tapi jop do roha muda tulus arop ni roha.

PODA 19:16

Muda giot malua angkon nioloan do parenta ni Debata; muda nada argahononmu, mate noma ho, da!

MASMUR 19:12

O, Tuhan nada adong na umboto hasalaanna sandiri, antong palua ma au sian hasalaan na buni.

PODA 16:20

Parrohahon ma pangajaran anso maruli pandapotan. Haporsayai ma Tuhan anso dapotan hatuaan.