PODA 13:10 - BIBEL JAMITA NA DENGGAN

¹⁰ Mambaen parbadaan do gincat ni roha; tapi na manangihon poda dapotan bisuk do.

PODA 13:10 Referans Kwoze

PODA 19:20

Tangihon ma poda, jana parhagiot ma parsiajaran, anso marbisuk ho.

PODA 17:14

Songon na mambuka dalan ni aek do na mamungka partongkaran, manigor ma mundur painte so dipungka partongkaran i.

JAKOBUS 4:1

Sian dia dehe asal ni sude parbadaan dohot partangkangan na masa di hamu? Nada he sian angka hagiotmunu na sai giot torus marporang di bagasan dirimunu anso dapotan hasonangan portibi do asal ni i?

1 TIMOTEUS 6:4

Angka siginjang roha do i, hape nian so adong na binotona sanga aha! Na tagi-tagi marsoal dohot martongkari do i taringot tu angka pandohan, na mambaen anyok ni roha, hasisirang, marsitilakoan, manuhas na so ture,

LUKAS 22:24

Masa ma partongkaran di angka sisean ni Jesus taringot tu sanga ise sian halahi na nietong angkon gumodang.

PODA 25:8

Ulang iba mopop maroban parkaro tu pangadilan; harana, muda tardapot do iba muse sala aha dope he na bolas baenonniba?

PODA 21:24

Jolma na oto jana siginjang roha sai mangincahi do i jana pamalo-malohon.

PODA 20:18

Pangido ma sipaingot na denggan, painte so mambaen haputusan; ulang ma niparjuangkon anggo so adong sangkap na torang.

2 RAJA-RAJA 14:10

Hara ni na dung talu dibaen ho halak Edom ale Amasia, gabe ginjang ma rohamu. Dumengganan ma marmoga-moga ho hara ni hamonanganmi, di bagasmu ma ho. Aha ma gunana di ho mangalap-alapi hasusaan na hum pabaen-baen mago tu ho sandiri dohot tu rayatmu?”

1 RAJA-RAJA 12:16

Disi diida rayat i na so ra raja i manangihon na nidok ni halahi, marsurak ma halahi, “Pardulinta i si Daud dohot pomparanna i! So na adong dibaen i tu hita sanga na aha. Beta, mulak hita, halak Israel on! Tapadiar ma si Rehabeam mangurus dirina sandiri!” Gabe mangalo ma halak Israel

HAKIM-HAKIM 19:30

Sude ma halak na marnida i, mandok, “Na so unjung dope taida pangalaho na songon on tarjadi, mamungka sian na haruar halak Israel sian Mesir lopus tu sadari on. Nada tola sip sajo hita. Angkon martahi do hita anso martindak!”

PODA 13:9

Songon sinondang na manyirlak do halak na daulat; tapi halak na jahat songon lampu na giot mintop do ia.

PODA 13:11

Momo do abis arta na ompot harorona, tapi mur tu kayona do na palagutkon sasaotik.

PODA 28:25

Patubu partongkaran do na ahut tu diri, maruntungan do iba muda Tuhan dihaporsayai.