PODA 13:1 - BIBEL JAMITA NA DENGGAN

¹ Diparrohahon dakdanak na bisuk do poda ni amangna, tapi muda halak na bulbul nada ra manangihon sipaingot.

PODA 13:1 Referans Kwoze

PODA 15:5

Ditulak na bodo do pangajarion ni amangna, tapi sanga ise na manangihon sipaingot, na bisuk do i.

PODA 15:20

Anak na marroha, pasonang roha ni amangna; anak na oto nada mangargahon inangna.

PODA 10:1

Angka on ma poda ni si Salomo: Anak na marroha, i ma jagar-jagar ni amangna; anak na oto, hasusaan ni roha ni inangna.

1 SAMUEL 2:25

Muda mardosa halak tu jolma, tarampini Debata do i; tapi muda mardosa tu Tuhan do halak, ise be tarbaen manolongsa?” Tapi nada diantureskon halahi sipaingot ni si Eli, amang ni halahi i, madung diputuskon Tuhan do laho mamunu halahi.

PODA 14:6

Dijalahi pangincak do habisuhon tapi nada dapot ia, tapi muda halak na pistar momo do marsiajar.

PODA 15:12

Halak na pangincahi nada ra i digorahon sanga didok hata; nada ra i mangido sipaingot sian halak na marroha.

1 RAJA-RAJA 22:43

Laing songon amangna si Asa na mamarenta di jolonia, dipatulus si Josafat do sanga aha na denggan di parnidaan ni Tuhan.

PODA 7:24

Hara ni i, ale dakdanak, tangihon ma au. Parrohahon ma angka sipaingotku.

PODA 12:15

Halak na bodo mangkilala dirina na so unjung lilu, halak na marroha giotna umbege sipaingot.