PODA 12:13 - BIBEL JAMITA NA DENGGAN

¹³ Halak na jahat tarjorat baenon ni hatana, halak na denggan malua sian na susa.

PODA 12:13 Referans Kwoze

PODA 21:23

Laho pasiding hasusaan, patut do jamot di pandohanna.

PODA 11:8

Halak na daulat nada hona hasusaan halak na jahat sai hona ambatan.

MASMUR 64:8

PasidungonNia ma halahi hara ni hata ni halahi, mopeng-openg be ma sude na marnidasa.

DANIEL 6:24

Sonang ma roha ni raja i jana diparentahon ia ma anso diparuar si Daniel sian liang i. Dung dipadalan parenta i, hape nada adong gasa ni si Daniel saotik pe, angke porsaya do ia tu Debatania.

PODA 6:2

Jana betak na dung tarjorat ho hara ni angka hatamu jana tardapot hara ni janjimu sandiri.

2 PETRUS 2:9

Jadi anggo taringot tu angka halak na mangihutkon hagiot ni Tuhan, diboto Tuhan do sanga na bia dalanna baenonNia laho paluahon halahi sian angka ujian na masa tu halahi. Jana taringot tu angka jolma na jahat pe, diboto Tuhan do manabunihon halahi anso hona siksa di Ari Paruhuman,

PARJAMITA 7:18

Pasiding ma parkotian godang ni na dua i. Muda nihabiaran Debata, angkon malua do hita.

MATEUS 27:25

Dialusi halak na bahat i ma sude, “Padiar ma manginona tu hami dohot tu pomparannami mudarna i!”

PODA 15:2

Muda mangkobari halak na marbisuk, ruar ma angka parbinotoannia, tapi muda na bodo mangkobari, ruar ma habodoon sajo.

MASMUR 34:19

Halak na burju, manaon bahat na hancit, tapi dipalua Tuhan do ia sian i sudena.

MASMUR 5:6

Dipusa Ho do angka pargabus ditulakkon Ho do pangicu dohot pamunu.

1 RAJA-RAJA 2:23

Dung songon i hara ni Tuhan i marsumpa ma si Salomo, “Sai dibunu Tuhan i ma au, muda so hubunu si Adonia hara ni pangidoannia i.

2 SAMUEL 4:9

Tapi dialusi si Daud ma, “Diboto Tuhan na mangolu i do, i ma na dung paluahon au sian sandok ragam ni parmaraan, bahaso na tutu do na giot sidokkononkon.

PAMUNGKAAN 48:16

Ia do Surusuruan na paluahon au sian sandok parmaraan. Sai Debata i ma na mamasumasu dakdanak on. Sai hot ma mangolu goarku dohot goar ni si Abraham dohot si Ishak hara ni angka dakdanak on! Sai gabe ma hamu jana mur martamba bahat pomparanmu!”

MASMUR 59:12

Angke mardosa do halahi hara ni pamanganna, marhite angka hata na nipardokkonanna. Padiar ma tardapot halahi di ginjang ni rohana, angke sai na giot mamurai do halahi dohot na margabusi.

PODA 18:21

Mangolu sanga mate dirajai dila, barang ise na ra maningtingkonsa, angkon mangankon parbatuna.

MASMUR 34:20

Dijagohon Tuhan do sude pamatangnia, jadi sada pe sian holi-holina nada adong na maponggol.

MASMUR 59:13

Pangabis ma halahi ale Debata, di bagasan hamuruhonMu, pangabis ma halahi lopus punu. Gabe sude ma halak umboto bahaso Debata do mamarenta di pomparan ni si Jakob, jana mangararati do pangarajaionNa tu sude tano on.

PODA 10:8

Diparrohahon na malo do hata sipaingot, tapi giot madabu do anggo halak na oto mangkobar.