PODA 11:19 - BIBEL JAMITA NA DENGGAN

¹⁹ Sanga ise na burju mambaen na denggan, marhangoluan, sanga ise na manggogo mambaen na jahat, kehe tu hamatean.

PODA 11:19 Referans Kwoze

PODA 10:16

Upa ni halak partigor mambaen hangoluan, tapi padapotan ni halak parjahat hum na manambai dosa.

PODA 19:23

Biar mida Tuhan parohon hangoluan, jadi marbongin ma jolma di bagasan jop ni roha, nada ditinggang parhancitan.

PODA 12:28

Hasintongan do dalan tu hangoluan; tapi tu hamatean do dalan ni na jahat.

PODA 8:36

Sanga ise na so mandapot au, mangarugii dirina sandiri, halak na manghasogohon au, hamatean do dihaholongi.”

1 JOHANNES 3:10

On ma parasingan ni angka dakdanak ni Debata sian angka dakdanak ni Sibolis: Sanga ise na so patuluskon hatigoran, sanga na so manghaholongi donganna, nada dakdanak ni Debata halak na songon i.

1 JOHANNES 3:7

Hamu angka dakdanakku, ulang ma padiar hamu adong halak na mangaliluhon hamu. Barang ise na mangkarejohon hatigoran, na tigor do i, dos songon Kristus na tigor i.

SURAT NI SI PAULUS TU PARLAGUTAN ROM 6:23

Angke hamatean do upa ni dosa; tapi silehen-lehen ni Debata i ma ngolu na manongtong di bagasan Kristus Jesus, Tuhanta i.

BAENON NI ANGKA RASUL 10:35

Sanga ise na mabiar mida Debata jana na mambaen na denggan dijagit Debata do halahi, so pola marimbar sanga sian bangso dia.

PODA 11:4

Nada mararti sinadongan hatiha mangadopi uhum hamatean; angke hasintongan paluahon halak sian hamatean.

JAKOBUS 1:15

Dung i muda dioloi ia hagiotnia na jahat i, gabe tubu ma dosa; dung mardosa, gabe hamatean noma na ro.

PODA 21:16

Jolma na so mangihutkon parngoluon ni halak na marroha, pasti muli lalu tu portibi ni halak na mate.

PANGARATAION 16:20

Sai tongtong ma hamu tigor, anso tarbuat jana taringani hamu salolot-lolotna tano na giot silehenon ni Tuhan i di hamu.

2 RAJA-RAJA 1:4

Dokkon hamu ma tu raja i na nidok ni Tuhan songon on, ‘Nada ra malum be hilalaonmu, mate noma ho!’ ” Dipalalu si Elia ma na nidok ni Tuhan i.

2 RAJA-RAJA 1:16

Jadi didok si Elia ma tu raja i, “Didok Tuhan: Na nisurumu do mangido panogu-noguon tu Baal-Zebub debata ni halak Ekron – songon dia ma na so adong Debata di Israel na gabe panyapaan – jadi nada ra be ho malum; mate noma ho!”

PODA 21:21

Muda denggan rohamu jana jujur ho, gabe ginjang ma umurmu, pasangapon ni halak ma ho jana tigor pambaenanna tu ho.