PODA 11:13 - BIBEL JAMITA NA DENGGAN

¹³ Halak siginjang dila nada haposan maniop rahasia; tapi sanga ise na setia, i do na gabe pos ni roha.

PODA 11:13 Referans Kwoze

PODA 20:19

Nada tarsimpan na ramos mangecet rahasia; jana dohot halak na mabekbektu indangkon sai mardongan iba.

PODA 25:9

Bela ma parkaromu dohot donganmu, tapi anggo rahasia ni halak na asing ulang paboa-boa.

HAMALIMON 19:16

Ulang sai dokkon barita-barita gabus sanga tu ise pe. Muda marguru di parkaro ni sada-sada halak noma ngoluna sanga hamamatena hatiha ditimbang parkarona i, mangkuling ma ho muda tarbaen hasaksianmi mangurupisa. Au do Tuhan.

1 TIMOTEUS 5:13

Boti muse hum pasude-sude hatiha noma i, puas-pais halahi manaek mijur tu bagas ni halak, jana na jumatjat dope, marsiajar disi ma halahi pahata-hata halak dohot na mangantoi karejo ni halak dohot na mangkata-hatai na so sihataan.

JOSUA 2:14

Jadi didok bayo sidua halak i ma tusia, “Marjanji ma hami, muda lehenon ni Tuhan luat on tu hami, denggan do baenonnami tu hamu asal ma nada dipaboa ho sanga na tu ise pe taringot tu hami. Sai mate ma hami, muda nada hami patulus janjinami on.”

JEREMIA 38:27

Nada sadia honok, marroan ma antong angka parpangkat i manyapa-nyapai tu au. Hupaboa ma tu halahi laing songon na niparentahon ni raja i tu au. Jadi dung songon i, nada tarbaen halahi be sanga na aha tu au, angke sahalak pe nada adong na umboto pangkataion ni raja i dohot au.

PODA 14:5

Saksi na jujur sai mandok na satutuna; saksi na so haposan, sai margabus do karejona.

JOSUA 2:20

Tapi, muda dipaboa ho taringot tu hami sanga na tu ise pe, nada hona tu hami janjinami.”

PODA 11:12

Sanga ise na palayaskon donganna na bodo do i, tapi hohom do halak na pistar.

PODA 12:23

Halak na marroha nada pajolo-jolohon na binotona; halak na bodo paboa-boahon haotoonna.

PODA 19:11

Halak na marroha ditahan do murukna. Tarpuji do ia hara ni na so parduli di hasalaan ni halak maradopkon ia.

PODA 10:19

Mur bahat mangkobari, mur bahat do hatiha mardosa, muda giot bisuk, gumonan do hohom sajo iba.