PODA 10:9 - BIBEL JAMITA NA DENGGAN

⁹ Sonang do halak na burju, tapi tartangkup do halak na jahat.

PODA 10:9 Referans Kwoze

PODA 28:18

Martua do di ngoluna halak na tigor madabu do ompot halak na so tigor.

MATEUS 10:26

“Nada adong bagi aha na buni, na so patar muse, nada adong na simo, na so binoto sogot.

1 TIMOTEUS 5:25

Songon i muse do angka pambaenan na denggan manigor habotoan do i. Salang na maol i pe anso haidaan, nada tarbunihon i tongtong.

1 KORINTUS 4:5

Antong, anggo so dapot dope hatihana, ulang ma matibutu tontuhon hamu marsala sada-sada halak sanga nada. Painte hamu ma lopus tu haroro ni Tuhan i. BukaonNia do sude angka rahasia na buni di na golap. RungkaranNia ma sudena rahasia na buni na di bagasan roha ni jolma. Di hatiha i pe anso jagiton ni halak ganop pujian na patut jagitonna sian Debata.

PODA 3:23

Sonang ma ho mardalan, jana nada tartuktuk ho.

MASMUR 84:11

Angke pangondian na gogo do Tuhan Debata, na mangalehen sangap dohot basa-basa di hita. Sai marpupu do dilehen Ia hadenggananNia tu halak na patuluskon hagiotNia.

MASMUR 25:21

Sai hadengganan dohot hatigoran ma mangondingi au, angke Ho do pos ni rohangku.

PODA 17:20

Sada panipu indangkan na marhasonangan; halak sijuba-jabi mandapot parmaraan.

MASMUR 23:4

Haru pe mardalan au di dalan na golap nada huhabiari parmaraan, ale Tuhan, angke Ho do mandongani au. Ho do mangondihon au songon parmahan mangondihon biri-birina, mardongan tungkot dohot ora-ora.

PODA 26:26

Haru pe dibunihon ia na sogo rohania, idaon ni halak do sude hajahatanna.

PAMUNGKAAN 17:1

Di na marumur si Abram sambilan pulu sambilan taon, dipatidahon Tuhan ma diriNa tusia jana didok ma, “Au do Debata Na Gumogo. Oloi ma Au jana patulus tongtong sanga aha hagiotKu.

JOB 8:20

Hape anggo halak na setia, nada unjung ditadingkon Debata, jana muse nada jungada mangurupi tu halak na so hasaya.

PODA 28:1

Marlojongi do halak parjahat haru so adong na mangayak, tapi halak na tigor barani do songon singa.