PODA 10:8 - BIBEL JAMITA NA DENGGAN

⁸ Diparrohahon na malo do hata sipaingot, tapi giot madabu do anggo halak na oto mangkobar.

PODA 10:8 Referans Kwoze

PODA 12:1

Sanga ise na mangkaholongi poda, holong do rohania diparbinotoan; tapi sanga ise na margoyak ni roha di sipaingot, na bodo do i.

JAKOBUS 3:13

Muda adong do sian hamu na marroha jana na burju, dipatuduhon ia ma i dohot ngolu na denggan bope dohot pambaenan na denggan mardongan hatoruhon ni roha dohot habisuhon.

PODA 9:9

Muda dipaingot ho halak na marroha, mur marbisuk muse ma ia. Jana muda halak na burju mangoloi Debata diajari ho, mur martamba ma parbinotoannia.

PODA 1:5

Marhite angka poda on, mur martamba do parbinotoan ni halak na bisuk, jana halak na pistar pe gabe dapotan panogu-noguon.

PARJAMITA 10:12

Hata ni halak na pistar do mambaen sangap ia, hape anggo halak na oto, mago do hara ni hata-hatana.

PODA 14:23

Marhite na marusaho gabe tarjamin ma ngolumu; muda juguk mangecet-ecet tu hapogoson ma ho madabu.

PODA 14:8

Halak na marroha, denggan do tindakanna, angke dibotosa do sanga aha sibaenonna. Halak na oto, tindakanna pe oto do harana na paula-ula do ia mamoto.

PODA 13:3

Halak na jamot mandok hatana, gabe aman; halak na purpur hatana dondonan ni partinaonan.

PODA 12:13

Halak na jahat tarjorat baenon ni hatana, halak na denggan malua sian na susa.

PODA 10:10

Sanga ise na mangkidopkon mata, patubu hasusaan; sanga ise na oto manghatai, angkon madabu.

MASMUR 119:34

Baen ma au mangarti di TonaMi, anso huoloi, jana hudalankon sian sandok rohangku.

PODA 9:8

Ulang paingot halak pangincahi, gabe goyak do rohania mida ho. Tapi anggo halak na marroha, muda dipatuduhon ho hasalaanna, gabe argaannia do ho.

PODA 10:14

Halak na bisuk palagut parbinotoan; muda mandok hata halak na oto, sai pabingkas parbadaan.