PODA 10:3 - BIBEL JAMITA NA DENGGAN

³ Nada padiaron ni Tuhan halak na burju malean; tapi anggo hagiot ni halak na jahat nada marhatulusan.

PODA 10:3 Referans Kwoze

MASMUR 37:25

Mamungka sian haposoonku lopus matobang songon on, nada unjung dope huida halak na burju ditadingkon Tuhan, sanga pomparanna gabe pangido-ido sidoka.

MASMUR 37:3

Haporsayai ma Tuhan jana baen ma na denggan, anso sonang ho di tano i maringanan.

ZEPANYA 1:18

Di ari na jorbut i pataridahonon ni Tuhan ma murukNa gabe nada tarbaen sere dohot perak ni halahi be paluahon halahi. Malala ma sude portibi on ditutung api ni hamuruhonNa i. Jadi ompot ma sintakkononNia sandok hosa na adong di tano on.

MASMUR 37:19

Di hatiha na sompit, nada hasusaan halahi, di tingki na haleon laing tuk di halahi.

MASMUR 33:19

Dipalua Ia halahi sian hamatean, jana dipangolu Ia halahi di hamamasa ni haleon.

JOB 5:20

Muda haleon ro manyosak, nada loason ho mate malean. Muda turtar porang manggasak, dao do ho sian hamatean.

LUKAS 12:31

Tapi jalahi hamu ma HarajaanNia, dung i tambahononNia do sudena i tu hamu.”

JESAYA 33:16

Jadi gabe malua do hamu jana sonang, songon na tinggal di bagasan benteng na togu. Singkop do sipanganon dohot siinumon di hamu.

PODA 14:32

Mate do halak na jahat hara ni jahat ni parbuatanna; tapi malua do halak na burju hara ni hadenggananna.

MASMUR 112:10

Diida halak na jahat ma i jana milas rohana, patungaripon halahi hara ni sogo ni rohana. Gabe mago ma halahi nada adong be arop ni roha sapanjangna di halahi.

JOB 20:28

Gabe soada noma sude sinadonganna, hara ni pangayup ni muruk ni Debata.

MASMUR 10:14

Tapi ale Debata diida Ho do parkancitannami, jana tontu do tolonganMu hami. Halak na so margogo pasahatkon tu Ho dirina sudena, Ho do na mangurupi na so marama so marina.

PODA 13:25

Sai na tuk do baenon ni halak na burju roha, hape anggo halak na jahat sai marhahurangan.

PODA 28:9

Muda nada oloanmu uhum, tangiangmu pe sihagigian do.

PODA 28:25

Patubu partongkaran do na ahut tu diri, maruntungan do iba muda Tuhan dihaporsayai.

JOB 15:23

Painte-inte mate do halahi bangar; na giot soroanna do bangkena, gabe mamoto ma ia na golap do hape ari pangapudianna.